بي تك وفاليو بيعملوا عظمة .. اشتري الأجهزة اللى انت محتاجها وقسط براحتك

ليه التعاون الجديد بين شكرة  بي تك وڤاليو هيغير شكل التمويل الاستهلاكي في مصر؟ وإيه اللي هيقدمه البروتوكول ده للعملاء من حلول مريحة وجديدة في السداد؟ وهل هيكون ليه تأثير مباشر على تسهيل عمليات الشراء؟ ولو عاوز تستفيد من البروتوكول ده وتشترى اللى نفسك فيه تعمل إيه؟

شركة بي تك أعلنت عن خطوة جديدة هتغير شكل سوق التمويل الاستهلاكي في مصر.. ومن ساعات  وقعت الشركة بروتوكول تعاون مع ڤاليو الشركة الرائدة في تكنولوجيا الخدمات المالية ..وده بيعتبر أولى خطوات بي تك في خطتها لتوسيع الشراكة مع كبار مزودي خدمات التمويل الاستهلاكي في مصر.

طب إيه الهدف من التعاون ده؟

هيثم متولي، نائب الرئيس التنفيذي لشركة بي تك، أكد إن الهدف هو توفير حلول سداد شاملة ومريحة لكل العملاء… وقال كمان ان الشراكة مع ڤاليو هتمكن العملاء من الحصول على عروض حصرية ومميزة، وده هيخلّي تجربة التسوق أسهل بكتير.. مش بس كده، معتز لطفي، رئيس قطاع تطوير الأعمال والشراكات في ڤاليو، أكد إن التعاون ده هيعزز مكانة ڤاليو في السوق وهيتيح لبي تك تقديم خدمات تمويلية متطورة في كل فروعها.

يعني لو كنت بتفكر في شراء جهاز جديد أو موبايل وكنت شايل هم الدفع، الشراكة دي هتقدملك فرص أكبر وأفضل للتقسيط الحلول اللي هتوفرها ڤاليو مش بس بتخليك تقدر تشتري المنتج اللي انت محتاجه، لكن كمان بيوفرولك مرونة في السداد تتناسب مع احتياجاتك. ومن خلال أكتر من 190 فرع لبي تك في 24 محافظة، بقت تجربة التسوق مش مجرد شراء، لكنها كمان بتديك حرية وراحة في الدفع على فترات.

كمان التعاون ده بيساهم في تعزيز خطط بي تك إنها تقدم أفضل الحلول التمويلية لعملائها من خلال نماذج أعمال مبتكرة زي "B.TECH MAX" و "B.TECH X". وده بيأكد التزام الشركة الدائم بتطوير حلول جديدة تحسّن تجربة العملاء وتساعدهم في الوصول لأحدث المنتجات بطريقة أسهل وأسرع.

ومن المتوقع إن التعاون ده يكون ليه تأثير كبير على سوق التمويل الاستهلاكي في مصر، لأنه بيوفر للعملاء خيارات تقسيط جديدة ومريحة، وده معناه إن الناس هيقدروا يشتروا أكتر ويستمتعوا بمنتجاتهم بدون ضغط مالي كبير.. وأكيد ده هيشجع شركات تانية في السوق إنها تفكر في نفس الاتجاه وتقدم حلول تمويلية مبتكرة زي ما عملت بي تك.

كل اللى نقدر نقولوا ان الشراكة بين بي تك وڤاليو هي خطوة كبيرة نحو تحسين حياة الناس في مصر وتسهيل عمليات الشراء. والسؤال اللي بيطرح نفسه دلوقتي: إيه الخطوة الجاية اللي هتشوفها في سوق التمويل الاستهلاكي في مصر بعد البروتوكول ده؟