إيه هي اتفاقية “حماية الاستثمارات” اللي مصر هتعملها مع السعودية؟
يا ترى ايه هي اتفاقية حماية الاستثمارات اللى رئيس الحكومة الدكتور مصطفى مدبولى أعلن عن توقيعها مع السعودية؟ وايه أهميتها للمستثمر السعودي ؟وهل الاتفاقية دي معمولبيها فى دول تانية غير مصر ولا لأ؟
من ساعات بدأ رئيس الحكومة الدكتورمصطفى مدبولى زيارة مهمة جدا للممملكة العربية السعودية على راس وفد كبير بيضم وزراء المالية والاستثمار وعدد من المسئولين الكبار لبحثزيادة التعاون فى المجالات الاقتصادية ورفع معدلات الاستثمار السعودي فى مصر.
وعلى هامش الزيارة أعلن مدبولى ان الحكومة المصرية بتعمل حاليا على الانتهاء من اتفاقية حماية الاستثمارات السعودية تمهيدا للتوقيع عليها مع الجانب السعوديخلال الفترة المقبل.
فيا ترى ايه هي اتفاقية حماية الاستثمارات دي؟
اتفاقيات حماية الاستثمارات اللى من النوع اللى اتكلم عنه رئيس الحكومة بتضمن الالتزام بمعاملة "منصفة وعادلة" للاستثمارات وتقليص متطلبات إنشاء وتوسعة وصيانة الاستثمارات وكمان ضمان الاستثمارات في حالات الحرب أو النزاع أو الثورة أو حالات الطوارئ والاضطرابات.
الاتفاقية بتضمن كمان حماية الاستثمارات من أي إجراء يمس ملكيتها أو تجريد مستثمريها كليا أو جزئيا من بعض حقوقهم مع منع تأميم أو نزع الملكية أو إخضاعها لأشخاص وجهات أخرى.
طبالاتفاقية دي مهمة أوي ؟
أى مستثمر أجنبي بيحطفلوسه فى أى دولة فى العالم بيكون محتاج ضمانات وتطمينات ان الفلوس اللى هيستثمرها تكون مصانة ومضمونة وبالتالى كتير من الدول بتعمل النوع دهمن الاتفاقيات كرسالة طمأنة مش أكتر لأن أصلا القوانين الدولية للاستثمار بتضمن لأى مستثمر الحصول على فلوسه وياما شفنا أحكام من التحكيم الدولى بالزامدول بغرامات كبيرة نتيجة التقاعس عن رد الاستثمارات لمستثمرين
طب ايه اللى هيحصل بعدالاتفاقية دي؟
حاليا المملكة العربية السعودية بتمتلك ودائع في البنك المركزي بقيمة 10.3 مليار دولار منها 5 مليارات دولار ودائع قصيرة الأجل وأخرى بقيمة 5.3 مليار دولار متوسطة وطويلة الأجل بحسب آخر تقرير صادر عن البنك المركزي بشأن الوضع الخارجي للاقتصاد المصري… وبمجرد الوصول الى تفاهماتمع الحكومة المصرية حوالين بعض المسائل العالقة هيتم تحويل الودايع دي الى استثمارات أجنبية مباشرة .. يعنى هنشوف توسع فى المشروعات السعودية فى مصر وهيتم ابرام صفقات من العيار التقيل مع المستثمرين السعوديين وفيهكلام قوي جدا عن شراكة بين مصر والسعودية فى منطقة راس جميلة على غرار اللى حصل مع الامارات فى صفقة تطوير منطقة رأس الحكمة فى الساحل الشمالي واللى دخلت للبلد حوالى 35 مليار دولارمرة واحدة
والسعوديةمنفتحة جدا على الاستثمار فى عدة قطاعات فى مصر اهمها القطاع السياحة وقطاع الصناعة وقطاع الثروة المعدنية اللى فيه فرص كبيرة جدا وبأرقام هتعمل نقلة مش طبيعية فى حجم الانتاج وعدد الشركات الموجودة فى السوق
