بالفيديو.. سياحة صحية وعلاجية.. إزاي الحكومة هتولد الدولار من المستشفيات

تنويع وتوفير كل موارد الدولة وتطويعها لخدمة المواطن المصري هدف رئيسي في الفترة الرئاسية الجديدة، واحد من أهم الأهداف دي هي الخدمات الصحية اللي يتقدمها الدولة للمواطنين.. ياتري الدولة بتعمل اية في النقطة دي وآية أبرز الخدمات الصحيه الجديدة اللي هتقدمها الدولة للمواطنين.. وازاي الحكومة هتجيب دولارات من القطاع الصحي.
 

 
الحكومة في الفترة الرئاسية الجديدة هدفها الأساسي خدمة المواطنين وتقديم كل الخدمات المتاحة لهم، واحد من الخدمات اللي الحكومة بتحاول توفيرها بأفضل خدمة ممكنة هيا الخدمة الصحية، خصوصا أن المنطقة دي الشعب المصري عاني فيها علي مدار فترات طويلة ووصلت الخدمة الصحية بالمستشفيات الحكومية لمراحل صعبة جدا .
طيب اية اللي هتقدمه الحكومة جديد في تنويع وتتميز الخدمة الصحية للمواطنين ؟.
الحكومة بدأت في فترات طويلة تنويع وتمييز الخدمات الصحية للمواطنين، وكانت البداية بفتح مشروعات التأمين الصحي الشامل علي المواطنين واللي بدأ في مستشفيات ومحافظات محدودة وحاليا بدأ ينتشر في محافظات كتيرة، ولكن الدولة شايفة ان لسه القطاع الصحي محتاج أكثر وخصوصا في المستشفيات اللي عليها اقبال كبيرة وتحديدا في مستشفيات طب القصر العيني وطب عين شمس، خصوصا أن الإقبال عليهم كبير من كل المواطنين.
الدولة شايفة ان المستشفيات الحكومة ممكن تكون مصدر دخل دولاري هام للدولة بالإضافة طبعا لتقديم الخدمات الصحية علي افضل درجة للمواطن المصري، وفعلا رئيس مجلس الوزراء عمل اجتماع عاجل بحضور وزير التعليم العالي والبحث العلمي ووزير الصحة والسكان ووزير المالية، لبحث تطوير المستشفيات الجامعية لطب قصر العيني وطب عين شمس.
طيب اية اللي هتعمله الدولة في قصة تطوير مستشفيات جامعة القاهرة وطب عين شمس ؟.
مخطط الدولة لتطوير مستشفيات جامعة عين شمس لمدينة طبية عالمية فى قلب القاهرة لخدمة أهالى العاصمة والمدن المحيطة، والدولة حاليا وفرت الاعتمادات المالية اللأزمة للمشروع واللي هيقدم خدمات متكاملة لآلاف المرضى واللي هيتتضمن إنشاء مراكز تخصصية على أعلى مستوى، بالإضافة لإنشاء منطقة حدائق خضراء فى حرم المستشفيات علشان تكون متنفس اخضر للمرضي والأطباء .
طيب ليه الدولة عايز تطور المستشفيات الجامعية لطب قصر العيني وعين شمس بالذات؟.
الدولة في الوقت الحالي بتحاول تنوع كل وسائل السياحة اللي بتجي مصر، واحد من الأنواع اللي الدولة بتستهدفها في الوقت الحالي هيا السياحة الصحية خصوصا أن مصر في السنين الأخيرة بقت مقصد رئيسي للسياحة الصحية والعلاجية لمختلف أنواع المرضي وخصوصا مرضي العظام والأمراض الجلدية وغيرها للعلاج بالدفن في الرمام في واحة  سيوة واللي بتعتبر خدمة صحية مش موجودة في دولة في العالم ، ده غير أن عدد كبير من المرضي من دول كتير حول العالم بيجيبوا مصر بشكل دوري للعلاج خصوصا بعد المستوي اللي وصلت له عدد كبير من مستشفيات الخدمة الصحية والعلاجية في مصر واللي وصلت بيه بعض المستشفيات لمستوي اكبر المستشفيات حوالين العالم .
وعلشان نكون عارفين أن التطوير اللي بتقوم بيه الدولة حاليا جزء كبير منه هيكون استثماري بمعني أن الدولة هتطور الأبنية والمستشفيات وهتجيب أجهزة جديدة ومعامل بأحداث التقنيات علي مستوي العالم، وكل ده علشان تقدم خدمية صحية للمواطن المصري، ولكن برضوا الدولة بتستهدف تحقيق جزء مالي بسيط من الخدمة الصحية دي، علشان تقدر تكمل الخدمات الصحية للمواطن.
وزي ما قلنا القطاع الصحي في مصر هيكون مورد مهم للعملة الصعبة خاصة بعد صفقات الاستحواذ الخارجية على منشآت طبية خاصة ومنها صفقة مجموعة أثينا الطبية  مع الحكومة المصرية لاستثمار مليار دولار في مشروعات بقطاع الصحة على مدار 3 سنين ودا غير صفقة استحواذ ودا غير استحواذ شركة أبو ظبى القابضة على شركة امون عملاق صناعة الأدوية فى مصر، بالإضافة إلى المنافسة الشرشة حاليا محليا واجنبيا على اقتناص شركة الأسكندرية للخدمات الطبية.