أسود أيام الاخوان .. اقتصاد مصر يواصل الانطلاق وتسويد "شاشات الفتنة"

يا ترى ليه الاخوان بيعيشوا أسود أيامهم فى الفترة الأخيرة؟ وايه التحركات اللى عملها المركزي وقضت على متاجرة لجان الجماعة بأوجاع المصريين؟ وليه زيارات السيسي الخارجية سببت قلق كبير للتنظيم الدولي ؟

جماعة الاخوان وقنواتها ولجانها الاليكترونية بتعيش أسود أيامها فى الفترة الأخيرة وتقريبا الاعلاميين التابعين ليها وأدمن الصفحات اللى بيقبضوا بالدولار عشان يهاجموا مصر ويشكككوا في أى حاجة بتتتعمل مش لا قيين حاجة يقولوها ولا يعملوها فى الفترة الأخيرة ..وده بعد ما ثبت انهم كدابين وان الاشاعات اللى بيحاولوا ينشروها عن مصر بعيدة تماما عن الواقع .. خصوصا ان أرقام المؤسسات الدولية ومراكز الأبحاث بتقول كلام مختلف تماما عن اللى بتذيعوا وتبثوا شاشات الفتنة

حد ممكن يسأل ويقول.. يعنى البلد مفيهاش مشاكل والاخوان هما اللى بيحاولوا يشوهوا الانجازات؟

ده سؤال حلو جدا. .محدشقال ان البلد مفيهاش مشاكل بالعكس الحكومة والرئيس السيسي نفسه اعترفوا بده واتكلموا أكتر من مرة عن الوضع الصعب اللى مصركانت فيه بسبب حاجات خارج عن ارادة الدولة ومشاكل معظمها جاى من الخارج ونتيجة أحداث عالمية مالناش يد فيها .. بس طبعا المشاكل دي بيتم التعامل معاها والحكومة بتسعى لحلها وفعلا أنجزت كتير من الملفات.. يعنى باختصار النظام والحكومة معترفين بالمشاكلوالأهم انهم شغالين عليها

بس السؤال الأهم .. هل الصورة سوداوية زي ما بيروج الاخوان؟

بص مفيش احسن من لغة الأرقام للردعلى أى حاجة بتتقال والأفهم كمان ان الأرقام والشهادات دي جاية من مؤسسات دولية كبيرة ليها سمعة وصيت عالمي

يعني مثلا وحدة “بي إم آي” للأبحاث التابعة لوكالة فيتش طلعت تقرير مهم من فترة قصيرة قالت فيه أن الاقتصاد المصري بيظهر استمرارية وبيسير بخطوات ثابتة نحو التعافي رغم التحديات الكتير اللى واجهتوا طول الفترة اللى فاتت وقال التقرير كمان ان الاقتصاد المصري هيواصل نسبة النمو ومتوقع يوصل الى  4.2% قبل نهاية العام المالي فى يونيو 2025 .

طيب تقرير فيتش استند على إيه؟

المؤسسات الدولية مشبتقول كلام وخلاص ولازم تبنى وجهة نظرها على عوامل ممسوكة.. ومن العوامل اللى استند ليها تقرير فيش زيادة الاستثمارات الجنبية المباشرة سواء من خلال صناديق استثمار عربية زي ماحصل فى صفقة رأس الحكمة اللى دخلت للبلد 35مليار دولاروكان ليها دورمهم جدا فى حل أزمة نقص الدولاربالاضافة كمان الى نمو قطاع التصنيع فى ظل اهتمام الدولة بتوطين الصناعات المحلية وتذليل أى عقبات بتواجه المستثمرين والصناع

كمان من الحاجات المهمة اللى استند ليها تقرير فيتش عن انطلاقة اقتصاد مصر انتعاش قطاع السياحة اللي أظهر مرونة كبيرة في مواجهة الأزمات العالمية وحقق أرقام تاريخية محصلتش قبل كده السنة اللى فاتت .. وده كمان مع ارتفاع عوايد التصديروتبنى خطة حكومية بالوصول الى 100 مليثار دولار صادرات خلال ال 5سنين الجاييين.

طب هل فيتش بس اللى بتقول كده ؟

لا يا سيدي.. صندوق النقد الدولي اتكلم هو كمان عن مستقبل الاقتصاد المصري واتوقع أن يحقق  نسبة نمو 5.1% في العام المالي 2025 - 2026  ارتفاعا من 4.1% متوقعة في العام المالي الحالي 2024 - 2025. .. وده بيأكد ان  الاقتصاد المصري ماشي في الطريق الصحيح ويحظي بثقة مؤسسة اقتصادية دولية عريقة زي الصندوق

وخدبالك كل ده بيحصل والبنك المركزيبيحققنجاحات مذهلة فى ملف الاحتياطي النقدي الأجنبي اللى ارتفعت أرصدته لتسجل حاليا أعلي مستوياتها بحوالي 46.5 مليار دولار بسبب النمو الكبير خلال الشهور اللى فاتت في الاستثمارات الأجنبية وتحويلات المصريين العاملين بالخارج.

وخد بالككمان ان زيارات السيسي الخارجيةواخرها لتركيا سببت صدمةكبيرة للتنظيم الدولى للاخوان خصوصا ان الرئيس السيسي اتفق مع اردوغان على رفع حجم التبادل التجاري بين مصروتركيا الى 15مليار دولار ..وده رقمضخم جدا وهيساهم بقوة فى حل أزمة نقص العملة وكمان هيفتح مجالات تعاون جديدة وفرص عمل هتتوفر وخيرهيعم على الكل