بعد صدمة التوقعات.. الحكومة هتجيب 200 مليار دولار منين
فاكرين لما الدكتور مصطفي مدبولي قال إنه خلال 3 سنين أو أكتر شوية هتوصل مواردا مصر الدولارية الي 300 مليار دولار .. إيه اللي حصل في خطة الحكومة وياترى هتجيب 200 مليار دولار منين في الفترة الجاية.. تابعونا وهتعرفوا كل التفاصيل في التقرير التالي.
من أيام لو متابعين صندوق الصندوق الدولي توقع إن إيرادات مصر من النقد الأجنبي هستمر في السنتين الماليتين الجايين دون أو أقل من مستوى العام الحالي واللي وصلت 107.3 مليار دولار، ومتوقع توصل 112.7 مليار دولار من النقد الأجنبي.. طبعا كلام الصندوق بيقول إن مصر على حسب كلام مدبولي هتحتاج حوالي190 إلى 200 مليار دولار عشان تنفذ خطتها اللي قالت عليها بوصول الايرادات المصرية من الدولار الي 300 مليار دولار.
طيب مدبولي قال الكلام دا بناء على إيه؟
في الأول الدكتور مصطفي مدبولي رئيس الحكومة بيتكلم على خطط وتوقعات ممكن تتحقق كلها أو يتحقق جزء كبير منها أو يحصل العكس والنتائج تكون أكبر من التوقعات لكن البيانات اللي قال مدبولي تصريح ال300 مليار دولار دا كان واقعي مش خيال.. إزاي ؟.. هنقول لحضرتك إزاي .. رئيس الوزراء قبل مايتكلم كانت عنده صورة بكل التفاصيل لكل مورد من موارد الدولة من الدولار يعني هيحصل إيه في السياحة والتصدير وتحويلات المصريين بالخارج والاستثمار وقناة السويس وغيرها من الأنشطة اللي بتدخل دولار وكانت كل التوقعات بتقول إن القطاعات دي رايحة في حتى تانية وايرداتها هتقفز.
طيب ايه اللي بيحصل؟
شوف حضرتك بخلاف قناة السويس وبسبب اللي بيحصل في المنطقة واللي تأثرت بيها بشكل كبير جدا كل القطاعات التانية طالعة بسرعة الصاروخ من حيث نمو الايرادات الدولارية واللي بتقول إن مبلغ الـ300 مليار دولار سهل جديد يتوفر في كل سنة لان مصر بلد مش قليلة وبالنظر للي بيحصل في كل القطاعات وأولها الاستثمارات الأجنبية مثلا هنلاقي إن الدولة بتستهدف في الموازنة الأخيرة واللي وافق عليها البرلمان 30 مليار دولار استثمارات أجنبية في السنة المالية 2024-2025 ودي بشكل مبدئي لأن ملف الاستثمار ملف مفتوح وممكن صفقة راس الحكمة تتكرر تاني.
وفي ملف السياحة على سبيل المثال الحكومة بتخطط لوصول الايرادات إلى أكتر من 40 مليار دولار بعد تنفيذ مشروعات ضخمة في انتظار الافتتاح زي المتحف المصري الكبير ومشروعات الساحل الشمالي والتجلي الاعظم ومسارات العائلة المقدسة والفنادق في المدن الذكية.
أما بقي في ملف الصناعة فمصر بتتكلم في 100 مليار دولار في المرحلة الأولي والمنتظر توصل لـ200 مليار دولار في المرحلة التانية ولو شفنا اللي بيحصل في قطاع الصناعة دلوقتي هنعرف إن مصر تقدر توصل للرقم دا بسهولة ودا كله غير بقية الايرادات من قناة السويس واللي متوقع تتعافي بسرعة وايراداتها تتضاعف بشكل كبير ومع زيادة تحويلات المصريين والأنشطة التانية لجذب الدولار زي تصدير العقار مثلا وترشيد الاستبيراد.. سهل جدا الحكومة تصول لـ 300 مليار دولار في السنة.
