متشيلش هم الدراسة..البنك ده هيدفعلك وقسط براحتك

  

خلاص المدارس على الأبواب وشايل هم المصاريف الكبيرة ومش عارف تعمل إيه.. احنا هنقولك تروح فين وتدفع كل المطلوب لمدارس ولادك من غير اي مشاكل وبعدها هتقسط على 18 شهر .. لو عاوز تعرف التفاصيل شوف التقرير  ده للآخر 
 

بنك القاهرة من البنوك اللي بتقدم دايما عروض مختلفة واشكال مختلفه من التمويل ومن بينها تقسيط مصروفات التعليم سواء أساسي أو جامعي وأعلن البنك من خلال صفحته الرسمية على موقع التواصل الاجتماعي "فيسبوك"، عن أحدث عروضه للعملاء وهي خدمة تقسيط المصروفات الدراسية لغاية 18 شهرً وبدون مصاريف إدارية وبدون فوايد، وذلك عند الدفع بطاقات البنك الائتمانية (ما عدا بطاقات الشركات و التقسيط) حتي 30 سبتمبر 2024.

وبخصوص تفاصيل التمويل وشروطه فالبنك اعلن إن العرض لجميع حاملي بطاقات بنك القاهرة الائتمانية ماعدا بطاقات التقسيط وبطاقات الشركات.

وإن صحة العرض على المعاملات اللي هتم في الفترة من 1 مايو 2024 الى 30 سبتمبر 2024

كمان العرض هيطبق على المعاملات الشرائية في المدارس والجامعات فقط من خلال نقاط البيع والانترنت (مصاريف دراسية) .

وكمان البنك كشف إن الحد الأدنى للتقسيط هو 10,000 جنيه للمعاملة الواحدة و الحد الاقصى طبقا للحد الائتماني المتاح للبطاقة .

وبخصوص المصاريف الإدارية فالتقسيط بدون فوائد متاح لمدة 3 شهور بمصاريف ادارية 5% من المبلغ المطلوب تقسيطه أما بالنسبة للتقسيط بدون فوائد متاح لمدة 6 شهور بمصاريف ادارية 8% من المبلغ المطلوب تقسيطه.

ولو هتقسط بدون فوائد  لمدة 12 شهر فهتدفع مصاريف ادارية 14% من المبلغ المطلوب تقسيطه أما لو هتقسط بدون فوائد لمدة 18 شهر فهتكون المصاريف الادارية 19% من المبلغ المطلوب تقسيطه...

طيب فيه تفاصيل تاني بخصوص خدمة تمويل مصروفات التعليم ؟
اه طبعا فيه وهي أن  العميل لازم بمركز الاتصال لطلب التقسيط وإن العرض بيطبق على المعاملات الشرائية اللي بتم في نقاط البيع و الأونلاين فقط ويطبق العرض على المعاملات الشرائية تحت كود مصاريف تعليمية (مدارس، جامعات).

و في حالة طلب العميل الغاء عملية التقسيط قبل انتهاء المدة المتفق عليها سيتم خصم %4 قيمة خدمة السداد المعجل من المبلغ المتبقي للمعاملة.
وكمان من حق البنك تعديل قيمة المصاريف الإدارية في أي وقت خلال فترة العرض.