نزلت تاني؟.. إيه اللي بيحصل لأسعار اللحوم والدواجن.. ومفاجأة للبانيه؟

يا تري إيه اللي بيحصل لأسعار اللحوم والدواجن الأيام دي، وليه الأسعار طالعة نازلة، وامته تستقر والناس تلاقي سعر امبارح هو نفس سعر بكره، هنقولك كل التفاصيل في الفيديو ده.
 

كلنا عارفين إن اللحوم والفراخ بتبقى طبق رئيسي على مائدة المصريين، لأننا شعب بيقدس الأكل وخاصة اللحوم، وعشان كده كل يوم أغلبنا بيفتح النت ويشوف أسعار انهاردة شكلها إيه.

وفي الساعات الأخيرة، انخفضت أسعار الفراخ في المحلات والمزارع، وكان من المتوقع ارتفاع السعر في الفترة الأخيرة، لكن خالفت التوقعات وانخفضت بشكل مفاجئ، وده طبعًا مؤشر إيجابي جدًا إن ممكن يحصل استقرار للأسعار خلال الفترة الجاية.
وكلنا عارفين، إن صناعة الدواجن من الصناعات المهمة فى مصر، واللي الحكومة بتديها أولوية واهتمام خاص، وده لأن بلغت قيمة الاستثمارات في  الصناعة دي وفقًا لتقرير رسمى من وزارة الزراعة واستصلاح الأراضى، حوالى 100 مليار جنيه، كمان مصر بتنتج حوالي  1٫4مليار طائر سنوياً و14 مليار بيضة، وتم تحقيق الاكتفاء الذاتي لنا، وكمان في فائض بنصدره.

طب أسعار الفراخ انهاردة على كام؟
انهاردة أسعار الدواجن البيضاء في المزرعة وصل سعرها لـ  65 جنيه بعدم ما كان سعرها 93 جنيه من أيام قليلة ، لكنها بتصل  للمستهلك بسعر 75 جنيه،  كمان انخفضت أسعار الفراخ الأمهات ل 68 جنيه للكيلو  بعد ما كان سعرها  وصل إلى 73 جنيهًا من أيام قليلة، ومن هنا بتصل للمستهلك بسعر 75 جنيه.

كمان، انخفض سعر الكيلو من الدواجن الساسو "الفراخ الحمراء" عند 83 جنيه عشان توصل للمستهلك بسعر 93 جنيه،وانخفض سعر كيلو الفراخ البلدي بالمزرعة إلي 110 جنيه ، بعدما وصل سعرها لـ 93 جنيه،  وبتصل للمستهلك بسعر  115 جنيه، كمان سعر البانيه انهاردة انخفض لـ  170  و180 جنيه بعد ما كان 180 وصل سعره إلى 220 جنيه من أسابيع قليلة.

ضيف على دع، كيلو الأوراك اللي بيتراوح سعره بين 70 و 85 جنيهات للكيلو، وكيلو الكبد والقوانص اللي يجل سعر ما بين 80 و 100 جنيه، والأجنحة اللي سجلت  مابين 70 و 80 جنيه.

أما بالسنبة لكارتونة البيض، فالأحمر سجلت من 154 لـ 158 جنيه، وكارتونة البيض الأبيض سجلت من 154 لـ 155 جنيه، والبلدي من 159 لـ 160 جنيه.

حلو الكلام ده، طب يا ترى الأسعار هتفضل زي ما هي ولا هترتفع تاني؟
نقدر نقولك إن الخبراء في صناعة الدواجن، توقعوا ثبات الأسعار دي أو انخفاضها خلال الأيام اللي جاية وخاصة خلال فصل الصيف، وده بيقف وراه أسباب كتيرة، منها مخاوف التجار من ارتفاع درجات الحرارة الشديدة  واللي طبعًا بتؤدي إلى نفوق الفراخ في المزرعة والسوق وبالتالي تحقيق خساير كبيرة.

كمان من ضمن أسعار انخفاض الأسعار، هو توافر الأعلاف أمام المربيين واستقرار أسعارهابشكل كبير مقارنة بالفترات الماضية، وكمان عودة جزء من المربيين إلي منظومة الإنتاج مرة تانية بعد استقرار الأسواق،وكمان توافر إنتاج الدواجن مما أدى إلي زيادة المعروض منها وانخفاض الأسعار، وأخيرًا ضعف القوة الشرائية على الدواجن تلك الفترة الحالية، يعني نقدر نقولك إن انخفاض الأسعار مستمر معانا شوية.

ومن الفراخ للحمة، انهاردة انخفضت أسعار اللحوم الحمراء في الأسواق والمنافذ الحكومية، وسجل كيلو اللحم البلدي ما بين 300 و360 جنيه، وكيلو الكندوز ما بين 320 و360 جنيه، والجملى ما بين 270 و 300 جنيه بعد ما كان وصل إلى 350 جنيه.
كمان سعر سعر كيلو اللحم الضأن سجل ما بين 380 و420 جنيه، والبتلو ما بين 350 و400 جنيه، والبوفتيك والاستيك 325 جنيه، والكبدة الطازجة 285 جنيهًا للكيلو، والموزة 295 جنيهًا، وعرق الفلتو 350 جنيه.

وأسعار اللحوم شهدت انخفاض في الأسعار في الأيام الأخيرة بنسبة 20%، وده بعد مولعة في الأسواق من فترة، لكن بتيرجع أسباب الانخفاض ده، إلى توافر الثروة الحيوانية بشكل كبير واللي منها بيتم إنتاج اللحوم، وكذلك ضعف القوى الشرائية من المواطنين على اللحمة.. كل ده كانت أسباب ساهمت في انخفاض أسعار اللحوم، وكمان متوقع إن الأيام الجاية هتشهد انخفاض جديد.

وفي نهاية الفيديو عزيزي المشاهد، قولنا سعر الفراخ واللحمة عندك نزلت ولا لأ؟