صرخة الصاغة.. هل يخرج سوق الدهب عن السيطرة

 
هو إيه اللي بيحصل في الصاغة المصرية وإيه حكاية خروج الاسعار عن السيطرة وازاي الاسبوع دا هيحسم مصير الصاغة كلها وليه تجار الدهب حذروا من اغلاق محلاتهم وايه كمان اللي ممكن الحكومة تعمله عشان تنقذ سوق الدهب.. كل دا هنعرفه مع حضراتكم في الفيديو دا.. خليكم معانا للأخر.

بانكير أكتر مكان في مصر اتكلم عن سوق الدهب ومصير الاسعار واللي هيحصل لغاية سنة 2026 وكل اللي قال عليه بالتحليل والبيانات المحلية والدولية وحركة  الاسواق بيحصل دلوقتي واللي حصل امبارح بيقول إن سوق الدهب في العالم وفي مصر رايح في حتة صعبة جدا.. طيب اللي حصل في تداولات الجمعة؟..

شوف ياسدي سعر الدهب العالمي في العقود الآجلة ارتفع بشكل مفاجئ وكبير خلال تعاملات البورصات العالمية امبارح الجمعة وسجل زيادة وصلت لـ 50 دولار في أول ساعة ونص من الجلسة وسعر الأونصة تخطى الـ2525 دولار تقريبا لأول مرة في تاريخه ورغم كده دا مكانش مفاجأة للأسواق الدولية لأن اغلب التوقعات قالت إن سعر الدهب هيعدي ال3000 دولار في نهاية 2024 وهيتجاوز الـ 2500 دولار في خلال النص التاني من السنة ودا حصل دلوقتي وكمان توقعات بنوك الاستثمار الدولية والمؤسسات البحثية لأسعار الدهب كلها اتفقت على ارتفاع أسعار المعدن الاصفر لغاية 2025 ليصل سعر الأونصة لـ2750 دولار، وهيغلق السعر في 2024 على 2600 دولار وجايز أكتر..
طيب نرجع لاسباب ارتفاع الدهب تاني..
شوف حضرتك زي ماقلنا قبل كده كتير الدهب طالع للسحاب لأسباب كتيرة منها الصراعات الجيوسياسية ف العالم وكمان الاجتماع الجاي احتمال كبير بنك الاحتصاطي الفدراالي الامريكي يخفض سعر الفايدة وده غير الزيادة الكبيرة جدا على الطلب من البنوك المركزية على الدهب لأنه ملاذ آمن غير إن فيه دول كتير قررت استبدال جزء من احتياطيها من الدولار للدهب ولأول مرة كل العوامل دي تجتمع مع بعضيها وتخلق حالة غير طبيعية في الضغط على الدهب ودا سبب القفزات الجنونية في سعره.

طيب إيه اللي هيحصل في سوق الدهب المصري الايام الجاية؟
طبعا اللي بيحصل في السوق العالمي للدهب بيسمع على طول في الصاغة وشفنا أزاي أسعار الدهب في الأسواق المحلية زادات ازاي بسبب تأثرها بالأسواق العالمية وارتفاعات الاسعار دي دفعت بعض محلات الصاغة في مصر لتعطيل عملية التسعير ووقف البيع لغاية استقرار السعر النهائي ولو استمرت الزيادات دي سعر الدهب هيخرج عن السيطرة وعشان كده شعبلة الدهب اجتمعت بشكل عاجل وبعتت رسالة للحكومة بسرعة التصرف وإعادة العمل بمبادرة اعفاء وارادت الدهب القادمة مع المصريين بالخارج من اي رسوم وجمارك لزيادة المعروض من المعدن الاصفر وفي نفس الوقت تهدي وتيرة ارتفاع الاسعار وغير كده الدهب هيبقي للفرجة بس.