مشروع إماراتي جديد هيقلب الموازين.. إيه اللي بيحصل في خليج السويس؟
يا ترى إيه اللي بيحصل في خليج السويس ؟ وايه المشروع الامارتي اللي هيتم تنفيذه هناك وهيقلب الموازين؟
من ساعات أعلن مجلس الوزراء عن توقيع اتفاقيتين لانشاء محطة إنتاج الكهرباء من طاقة الرياح بقدرة 200 ميجاواط بمنطقة خليج السويس.. وتم توقيع الاتفاقيتين بين الشركة المصرية لنقل الكهرباء وهيئة الطاقة الجديدة والمتجددة، وتحالف شركات (مصدر – إنفينيتي).
والمشروع الجديد بيأتي في إطار استراتيجية الدولة لتعظيم دور الطاقات الجديدة والمتجددة فى مزيج الطاقة، ودعم القطاع الخاص والاعتماد عليه في إقامة محطات التوليد من طاقة الشمس والرياح.
ووفقا للعقد المبرم هيقوم التحالف بتطوير وتمويل وتشغيل المشروع اللي من المتوقع يبدأ التشغيل التجاري ليه في أكتوبر 2026، وهيسهم المشروع في زيادة مشاركة الطاقة المتجددة في مزيج الطاقة الكهربائية، وتعزيز جهود الدولة لتحقيق مستهدفاتها في مجال الطاقة المتجددة.
ونظرا لأهمية المشروع أكد رئيس مجلس الوزراء مصطفى مدبولي، أنه بيأتى في إطار الحرص على تنفيذ المزيد من المشروعات المستهدفة في مجال الطاقة المتجددة، ضمن خطة الدولة للتوسع في توليد الكهرباء من المصادر المستدامة، وتقليل الاعتماد على المصادر التقليدية للطاقة.
وقال ان فيه اقتناع تام بان مستقبل الطاقة في مصر بيكمُن في ملف الطاقة الجديدة والمتجددة، ومن هنا بتأتي أهمية بحث سبل إدخال أكبر قدر ممكن من الطاقة الجديدة والمتجددة على الشبكة الكهربائية.
وطبعا مشروع كبير زي ده بيؤكد قدرة الطاقة المتجددة في مصر على جذب الاستثمارات الأجنبية المباشرة، وبيأكد دور المؤسسات الوطنية المصرية في إيجاد مناخٍ استثماري يتمتع بمخاطر منخفضة وتفاعل إيجابي مع مؤسسات التمويل وشركاء التنمية.
ده غير فرص العمل الكبيرة اللي هيوفرها مشروع بالحجم ده يعني مشروع كسبان من كل النواحي وهيدخل مليارات الدولارات مستقبلا.. وبيتماشى مع خطط جذب روؤس أموال أجنبية لحل أزمة شح العملة اللي بتعاني منها مصر بقالها خوالي ٣ سنين كاملين
