لو عاوز تشترى عربية ومش معاك فلوس.. خد التفاصيل دي

 
مين فينا مش نفسه في عربية خاصة يروح بيها شغله ويقضي مشاوريه، وترحمه من بهدلة النفل العام، ويروح شغله نظيف ويرجع مرتاح.. لكن الاسعار الغير عادية للعربيات دلوقتي صعب قوي اي حد يقدر عليها.. بس انا دلوقتي هقولك علي الحل اللي هيخليك تشتري العربية وانت مرتاح.. لو عايز تعرف اية هو الحل ده شوف الحل ده للاخر

محدش فينا بيكره الراحة والرفاهية، وخصوصا الرفاهية دي لو كانت عربية ترحمه من بهدله الموصلات والنقل العامل، واللبس اللي بتنزل بيه من بيتك مرتب ومنظم وبترجع بيه اخر النهار مش عارف لهم لون من التراب اللي بتشيله وانت في وسائل المواصلات.
اللي متابع لاسعار العربيات هيعرف ان الوقت الحالي صعب علي حد دلوقتي يقدر يشتري، خصوصا ان اسعار العربيات الجديدة والمستعملة في الطالع .. واي عربية دلوقتي عايزة ميزانية لوحدها وهتدخل في رقم كبير جدا .
من غير ما تلف ولا تحتار أنا دلوقتي هقولك علي الحل اللي هيخلك تشتري عربية وترتاح من بهدلة المواصلات وحر الصيف، والحل ده قدمه بنك مصر واللي قدم مجموعة من برامج التمويل لشراء العربيات الجديدة بمدد سداد بتوصل لـ8 سنين ومعدلات فايدة بتوصل لـ16.5% وأقصي حاجة بتوصل لـ 17.5%.
بنك مصر اتاح للعملاء شراء عربيات بنسبة تمويل 100% من قيمة العربية لموظفي الحكومة سواء كان قطاع حكومي أو قطاع عام، والقرض هيكون بصورة بطاقة الرقم القومي وفايدة بتوصل لـ 17% ومدة سداد بتوصل لـ 8 سنين وبدون حظر بيع أو تأمين أو استعلام عمل وسكن.

بنك مصر اشترط علي موظفي الشركات المكودة تحول رواتبهم على البنك بنسبة 80% من قيمة السيارة، وحدد مدة السداد علي 7 سنين استثني العربيات الصينية وحدد مدة السداد بـ 6 سنين بس.
بنك مصر اشترط علي العملاء من موظفي الشركات المكودة تقديم صورة بطاقة الرقم القومي وإثبات دخل، وكمان أعلن عن فرض رسوم استعلام عمل وسكن، وحدد الفايدة بنسبة 17.3% ومصاريف إدارية 1.25%.
اما العملاء من أصحاب المعاشات اللي رواتبهم بتكون عن طريق البنك، فالبنك حدد لهم امكانية التقدم بطلب تمويل حتى 80% من قيمة العربية بصورة البطاقة، وهيكون السداد بحد أقصى 3 سنين وبفايدة 16.5%.

وبالنسبة للموظفين اللي رواتبهم مش علي بنك مصر، فالبنك حدد قيمة التمويل على 40 أو 50%، ومن قيمة العربية ، وكمان اشترط حظر بيع وتأمين علي العربية وحدد الفايدة بنسبة 17% وحدد مدة السداد بحد أقصى 6 سنين .
بنك مصر اعلن عن رفض تمويل شراء العربيات أصحاب عدد من المهن زي مالكي وموظفي الملاهي الليلية الكباريهات وملاك الأكشاك وغير العاملين والمتقاعد وربات المنازل  والعمال والفنيين والجزارين واطقم المطاعم ومقدمي الخدمات بالأضافة الي الصحفيين والمحامين واصحاب المهن الحرة والكوافير وسائقي التاكسي وتجار الخضار والفاكهة ولاعبي كرة القدم والأجانب ومالكي شركات تأجير السيارات.