ضربة جديدة لمصانع الأسمدة.. مصر ترفع خفض إمدادات الغاز إلى أكثر من 30%
ضربة جديدة بتواجه مصانع الأسمدة في مصر، بعد ما زادت نسبة خفض إمدادات الغاز الطبيعي الموجهة للمصانع لتتجاوز 30%، وده بيحط صناعة الأسمدة قدام تحديات جديدة.
الغاز الطبيعي مش مجرد مصدر للطاقة بالنسبة لمصانع الأسمدة، لكنه كمان عنصر أساسي في عملية الإنتاج، وخصوصًا صناعة الأسمدة النيتروجينية، اللي بيعتمد إنتاجها بشكل رئيسي على الغاز.
لمشاهدة الفيديو من هنا
وأي تراجع في الإمدادات بيأثر بشكل مباشر على معدلات التشغيل والإنتاج، وممكن ينعكس على حجم المعروض في السوق وقدرة الشركات على تلبية احتياجات التصدير والسوق المحلي.
لكن التطور الأهم إن الخفض الجديد وصل إلى 33% بدلًا من 20% سابقًا، وشمل إخطارات لشركات أسمدة كبرى، من بينها موبكو وأبو قير والمصرية للأسمدة.
والتأثير مش واحد على كل الشركات؛ فبعضها بيحاول يحافظ على التشغيل بالمخزون والكميات المتاحة، بينما حذرت شركات أخرى من تراجع الإنتاج والصادرات.
وبكده أزمة الغاز بتفتح تحديًا جديدًا أمام واحد من أهم القطاعات التصديرية في مصر، خصوصًا إن صادرات الأسمدة المصرية سجلت نحو 2.21 مليار دولار خلال أول 8 شهور من 2026.
