مصر قادرة.. رقم صادم للأغذية المصنعة اللي صدرتها مصر لدول العالم

الصادرات المصرية واحدة من أهم وأكبر الملفات اللي شغالة عليها الحكومة في الفترة الحالية لزيادة الحصيلة الدولارية اللي بتدخل خزينة الدولة المصرية وواحدة من أهم الصادرات دي هيا للأغذية .. يا تري فاتورة مصر التصديرية منها وصلت لكام.. ومتسهدف نوصل لكام في السنة دي 

الحكومة المصرية في الفترة الحالية شغلها الشاغل هو زيادة فاتورة التصدير وتقليل فاتورة الاستيراد، وعلشان كده صدرت تعليمات سياسية عليا من القيادة السياسية بتوجيه كل الوزارات والهيئات للعمل علي تشجيع المنتج المحلي وتقليل الاستيراد.
واحد من أهم الأهداف اللي الحكومة شغالة عليها حاليا هو تعظيم الصادرات المصرية من الاغذية المصنعة واللي ارتفعت في النصف الأول من عام 2024، بقيمة 1640 مليون دولار للدول العربية وحاليا بتمثل 52% من إجمالي الصادرات الغذائية، بنسبة نمو وصلت ل 24%
مش بس كده لا ده كمان الصادرات المصرية من الاغذية المصنعة لدول الاتحاد الأوروبي ارتفعت بقيمة 701 مليون دولار، وكمان ارتفعت للدول الأفريقية وسجلت 225 مليون دولار بزيادة 7% من إجمالي الصادرات. 
الولايات المتحده الامريكيه هيا كمان واحدة من أهم الدول المستوردة للأغذية المصنعة ووصلت قيمة الصادرات المصرية ل160 مليون دولار 
طيب مين اعلي الدول العربية اللي بتستورد أغذية مصرية مصنعة حاليا ؟.
اغلب الدول العربية في لوقت الحالي بتستورد اغذية مصنعة من مصر خصوصا أن المنتج الزراعي والغذائي المصري عليه طلب في كل دول العالم وخصوصا الدول العربية والمملكة العربية السعودية احتلت المركز الأول بقيمة صادرات 238 مليون دولار بنسبة نمو 15%، وبعده السودان واللي وصلت اجمالي الصادرات المصرية من الاغذية المصنعة الي 212 مليون دولار بنسبة نمو 28%، وبعدها فلسطين واللي وصلت قيمة الصادرات هناك ل175 مليون دولار بنسبة نمو 42% وبعدهم الولايات المتحدة الأمريكية واللي وصلت قيمة الصادرات لها الي 160 مليون دولار بنسبة نمو 28%، وبعدهم ليبيا واللي وصلت قيمة الصادرات لهم الي 151 مليون دولار ، ثم هولندا واللي ارتفعت قيمة الصادرات المصرية فيها ى150 مليون دولار، وجت بعدهم إسبانيا واللي ارتفعت قيمة الصادرات المصرية هناك ل122 مليون دولار، ثم المغرب واللي ارتفعت قيمة الصادرات المصرية هناك ل 114 مليون، وارتفعت قيمة الصادرات المصرية للأردن بقيمة 112 مليون دولار ، وفي المركز العاشر  جت إيطاليا واللي وصلت قيمة الصادرات لها الي 111 مليون دولار .
طيب اية هيا الأغذية الصناعية اللي مصر بتصدرها للدول الخارجية؟.
قائمة المواد والأغذية المصنعة اللي مصر بتصدرها للدول الخارجية بتضم أن اع وأشكال كتيرة ومتعددة وواحد من أهم الأنواع دي هيا صناعة المشروبات الغازية واللي وصلت قيمة الصادرات منها الي 309 ملايين دولار، وبعدها الدقيق والنشاء واللي وصلت قيمة الصادرات منه ل276 مليون دولار، ثم الفراولة المجمدة واللي ارتفعت قيمة الصادرات لها الي 248 مليون ثم السكر واللي صدرنا منه كميات بقيمة  194 مليون دولار يليهم العصائر واللي صدرنا منها بقيمة 157 مليون دولار د، ثم زيوت طعام وصدرنا منها بقيمة 146 مليون دولار، ثم زيتون المائدة وصدرنا منها بقيمة 136 مليون دولار والخضار المجمد وصلت كمية الصادرات منه ل126 مليون دولار.