لو نفسك تشتري شقة أو عربية.. البنك ده هيديك 3 مليون جنيه بضمان مرتبك

يا ترى إيه قصة قرض ال 3 مليون جنيه اللي ممكن تاخده من البنك بضمان مرتبك، وهل فوايده قليلة ولا كبيرة، والسداد بيبقى على كام سنة.. هنقولك كل التفاصيل في الفيديو. 
 

طبعا، كل الشباب نفسهم يأمنوا مستقبلهم، كتير منهم بيشتغلوا ويحوشوا وبعدين يحطوا فلوسهم دي في  شقة أو عربية، وفي شباب تانية بتشغل مخها، تاخد قرض بضمان المرتب، يشتري شقة أو عربية ويسدد بالتقسيط المريح.

ولو أنت موظف وعايز تاخد قرض، فالبنك الأهلي المصري بيقدملك عرض لقرض بيوصل ل 2 مليون و500 ألف جنيه بضمان تحويل المرتب، وكمان ممكن يديك 3 مليون جنيه بضمان تحويل مكافأة نهاية الخدمة، ولكن بتختلف قيمة القرض من شخص لآخر حسب فئة العميل.

طب بالنسبة للشروط والمستندات المطلوبة، البنك الأهلي بيطلب صورة بطاقة الرقم القومي السارية، ومن أهم الشروط أن العميل عمره مايقلش عن 21 سنة ومايزدش عن 60 سنة في نهاية التمويل.

كمان، مطلوب خطاب معتمد من جهة العمل موضحا به الدخل الشهري وتاريخ التعيينؤ وتعهد جهة العمل بتحويل المرتب أو القسط للبنك حتى الانتهاء من سداد القرض.

أما عن مدة القرض، فبتصل ل 12 سنة، ومتاح تأمين على الحياة والعجز الكلي مجانًا.

وعشان كله بقى إلكتروني وممكن تقدم على القرض ده من خلال الإنترنت، فالبنك الأهلي مؤخرا، وقع بروتوكول تعاون مع مجمع الإصدارات المؤمنة والذكية لتصنيع الورق الخام للشيكات المصرفية المؤمنة.

والهدف من هذا التوقيع، توريد الورق الخام للشيكات المصرفية المؤمن بمواصفات التأمين العالمية وأيضاّ المواصفات الحديثة المعتمدة من البنك المركزي المصري.

كمان، مجمع الإصدارات المؤمنة والذكية يعتبر أول وأحدث مجمع صناعي تكنولوجي متكامل للإصدارات المؤمنة والذكية في الشرق الأوسط وأفريقيا، ويقوم بتصنيع وإصدار كافة الوثائق والمحررات المؤمنة والذكية والأنظمة التكنولوجية الخاصة بها وقواعد البيانات البيومترية طبقًا للمقاييس العالمية، باستخدام تكنولوجيا الذكاء الاصطناعي وبرامج التحكم الذكية.

وعلق يحيى أبو الفتوح، نائب رئيس مجلس إدارة البنك الأهلي، وأكد على أهمية التعاون مع مجمع الإصدارات المؤمنة والذكية، لأنه له مردود على استغلال لأحدث أساليب الطباعة المؤمنة ومواكبة التطور التكنولوجي بهذا المجال إعمالا برؤية مصر 2030، وذلك للحد من الاستيراد وتعميق المنتج المحلي وزيادة الاستثمار الصناعي المحلي.

وأكد كمان حرص البنك الأهلي المصري المستمر على التوجه نحو الصناعة المصرية من خلال منتجات ذات مستوى فريد من الجودة، لما تحققه من مردود اقتصادي كبير، من خلال مواكبة المنافسة العالمية في المنتجات المشابهة بما يؤثر بالإيجاب على دعم الاقتصاد الوطني، خاصة ان هذا التعاون سيحقق لأول مرة ميزة إيقاف استيراد ورق الشيكات المؤمن من الخارج ، والاعتماد على الورق المحلي المنتج حديثاّ بمجمع الإصدارات المؤمنة والذكية والذي سيتم بتوريده  الى مطابع الشرطة التي ستتولى مهام الطباعة على الورق طبقاّ لمواصفات تأمين الطباعة الحديثة أيضاّ علي ورق الشيكات وتوريد الدفاتر الي البنك الأهلي المصري بنفس المواصفات للورق المستورد وبجودة أعلى.

وأشاد بالتوجه الإيجابي والرائد للبنك في تشجيع المنتج المحلي ودعمه للصناعات المصرية والتي تنعكس أثارها في خلق مزيد من فرص العمل في مختلف القطاعات.