بعد وقف العمل بتخفيف الأحمال.. مفاجأة حزينة للمصريين

مفيش ساعات من اعلان وزارة الكهرباء والطاقة المتجددة عن وقف خطة العمل بتخفيف الأحمال علي الشبكة القومية للكهرباء وإلا الكهرباء كانت قاطعة عن مناطق كتيرة قوي في محافظات الجمهورية.. يا تري اية حكاية موضوع قطع الكهرباء تاني ده.. وهل الدولة هترجع تخفيف الأحمال تاني

اخيرا وبعد انتظار طويل جدا ومرور أكثر من سنة علي بداية العمل بخطة تخفيف الاحمال علي الشبكة القومية للكهرباء، الدولة اعلنت عن وقف العمل بخطة تخفيف الاحمال تماما، ومش هيكون في قطع للكهرباء تاني ولحد نصف شهر 9 اللي جاي.

طيب اية حكاية قطع الكهرباء اللي حصل امبارح ده خصوصا في مناطق كتيرة جدا من محافظة الجيزة ؟.
امبارح وقبل مرور 10 ساعات من وقف العمل بخطة تخفيف الأحمال، الا ان الكهرباء قطعت عن مناطق كتيرة جدا في محافظات الجمهورية، وللاسف القطع ده استمر اكثر من ساعتين، والكهرباء اعلنت ان القطع ده ناتح بسبب عطل في الشبكة بسبب زيادة الاحمال واللي تزامن مع ارتفاع درجات الحرارة واللي بتشهدها محافظات الجمهورية.
مصادر بوزارة الكهرباء والطاقة المتجددة، قالت ان مركز التحكم القومي اصدر تعليمات لشركات توزيع الكهرباء علي مستوي الجمهورية بالوقف الكامل للعمل بخطة تخفيف الاحمال تماما ولحد نصف شهر 9 اللي جاي، بمعني أن خطة تخفيف الاحمال هتقف لحد نهاية شهور الصيف وبالتالي هتكون درجات الحرارة انخفضت وبشكل كبير وهنا الاحمال الكهربائية علي الشبكة هتقل تماما.
طيب هل الدولة ممكن ترجع تطبق خطة تخفيف الاحمال تاني؟.
ايوة طبعا، لان خطة تخفيف الاحمال مرتبطة بكميات الوقود والمازوت اللي وفرتها الدولة لتشغيل محطات توليد الكهرباءظن بمعني لو كميات الوقود دي في يوم من الايام قلت شوية عن الكميات الللي عايزاها محطات توليد الكهرباء ففي الحالة دي المولدات هتقف ومش هتشتغل، وهنا الدولة هتضطر تاني ترجع تشتغل بخطة تخفيف الاحمال وترجع الدولة تعيط موضوع قطع الكهرباء من اول وجديد.
طيب مفيش اي حاجة تطمنا علي السنين اللي جاية بخصوص موضوع قطع الكهرباء ولا هنفضل في الكابوس ده طول السنين اللي جاية؟.
لا طبعا.. الدولة حاليا بتشوف حلول كتيرة علشان ميرجعش نطبق خطة تخفيف الاحمال مرة تانية، واحدة من الحلول دي هو مشروع الربط الكهربائي بين مصر والسعودية واللي هتبدا تشغيل في قبل بداية فصل الصيف للسنة اللي جاية وتحديد من شهر مايو 2025، خصوصا ان الدولتين حاليا شغالين بكل قوة علشان ننهي المشروع ده لتبادل الطاقة بين البلدين .
وزير الكهرباء والطاقة المتجددة، قال أنه تم تشكيله فرق مشتركة لإنهاء اى مشكلة أو عقبة ممكن تطلع أو تظهر فيا يخص إنهاء الأوراق والتصديقات والموافقات الخاصة بمشروع الربط الهكربائي بين مصر والسعودية، وان المشروع هيفتح المجال قدام مشروعات كتيرة في المرحلة اللي جاية في مشروعات الطاقة النظيفة وخفض انبعاثات الكربون والحد من استخدام الوقود الأحفوري.