الأربعاء 24 يوليو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

عاوز تعرف أسعار العربيات رجعت تزيد تاني ليه.. اقرأ هذا التقرير

الإثنين 01/يوليو/2024 - 02:41 ص
سوق السيارات
سوق السيارات

 

 

سوق العربيات في مصر في الأيام اللي فاتت شهدت أزمة كبيرة خصوصا في موضوع الافراجات الجمركية قبل ما الحكومة تتدخل وتحل المشكلة وتنهي أزمة تكدس العربيات في الجمارك والموانئ المصرية.. يا تري أية حكاية الأزمة دي وآية اسباب ظهورها في مصر

 
الأيام اللي فاتت، سوق العربيات في مصر شهدت أزمة كبيرة جداً بسبب عدم انجاز الإفراجات الجمركية والحكومة نجحت في حل الأزمة دي، ولكن الأزمة رجعت مرة تانية مع انخفاض حجم المعروض من السيارات ولكن المرة دي بسبب نظام الرقم التعريفي للجمارك .

يا تري أية حكاية الرقم التعريفي للجمارك واللي كان السبب في الأزمة دي ؟.
المستشار أسامة أبو المجد رئيس رابطة تجار السيارات في مصر، أكد أنه فيه أزمة كبيرة في قطاع السيارات في الفترة الحالية بسبب توقف نظام الرقم التعريفي والخاص بعملية التسجيل المسبق للشحنات، وده اللي نتج عنه احتجاز مصلحة الجمارك المصرية لآلاف السيارات في الموانئ الجمركية وعمل تراجع كبير في حجم المعروض من السيارات في الأسواق.

رئيس رابطة تجار السيارات في مصر كمل كلامه وقال ان العطل تسبب في وقف حركة الاستيراد للعربيات الشخصية وعربيات ذوي الاحتياجات ده غير الاستيراد التجاري، وفي الوقت الحالي كل استيراد العربيات متوقف تماما ودي ادي لارتفاع أسعار العربيات بشكل عام في الأسواق، ونصح كل المواطنين اللي عايزين يشتروا بسرعة شراء العربيات خصوصا أن كل التوقعات بتقول أن أسعار العربيات هتشهد ارتفاع كبير في الأسعار في الأيام اللي جاية .

طيب جمارك العربيات بتوصل لكام علي العربيات .

ضريبة الجمارك في مصر على عربيات الركوب المزوّدة بمحرّك احتراق داخلي واللي بتشتغل بالوقود بتوصل ل 135% من قيمة شراء السيارة في الخارج، ده غير ضريبة الجدول 15%، وضريبة القيمة المضافة 14%. 
أما بالنسبه للجمارك العربيات الهجينة المستوردة من دول خارج الاتحاد الأوروبي، بتتراوح ما بين 30% و100% كضريبة جمارك، ومن 15% إلى 30% كضريبة جدول، و14% ضريبة قيمة مضافة.


اما بقي للناس اللي بتسال عن السيارات الكهربائية فهي معفاة تماماً من كل الجمارك والرسوم بخلاف القيمة المضافة.

طيب اية اللي سبب أزمة في الافراج الجمركي عن العربيات في الموانئ في الفترة دي ؟.
السبب الرئيسي في وجود أزمة في الاقتراح الجمركي عن العربيات بالموانئ سبب الأساسي ناتج عن وجود اعتقاد خاطئ للمستوردين أنه هيكون فيه انخفاض في سعر الدولار زي ما حصل في الفترة اللي فاتت وده اللي خلاهم يسيبوا العربيات بتاعتهم في الموانئ لفترات طويلة علي أمل أن سعر الدولار ينزل تاني في الايام اللي جاية .

تكدس العربيات اللي سابها المستوردين في الموانئ سبب نقص في حجم العربيات المعروضة في الأسواق واللي أدت لارتفاع أسعار كل الموديلات الموجودة في الأسواق وده ادي الي وجود حالة من الركود في سوق البيع والشراء للأنواع الموجودة في الأسواق حاليا .

طيب هل فعلا عندنا أزمة في الرقم التعريفي بتاع التسجيل المسبق للشحنات في الجمارك؟.

 

المرصد الإعلامي الجمركي، أكد أنه تابع كل الاخبار اللي اكدت علي وجود أزمة بسبب توقف منظومة التسجيل المسبق للشحنات، ونفي الكلام ده تماما وأكد كمان أن منظومة التسجيل المسبق للشحنات مستقرة تمامًا وشغالة بشكل منتظم .


المرصد الإعلامي الجمركي قال كمان أنه تم إصدار أكثر من ٩٨ ألف رقم تعريفي مبدئي للشحنات خلال الفترة من بداية شهر مايو اللي فات ولحد النهاردة وده بيعكس استقرار حركة الاستيراد، وأن الموانئ استقبلت بضائع بـ ١٣,٧ مليار دولار، ووصل إجمالي قيمة البضائع المفرج عنها ل ١٢ مليار دولار، ده غير الإفراج عن سلع استراتيجية بـ ٣,٤ مليار دولار، ومستلزمات إنتاج وخامات بـ ٥,٤ مليار دولار، وأكثر من ٣٩ ألف سيارة مستوردة بنحو ٣٦٤ مليون دولار.
المرصد الإعلامي الجمركي، قال  أن رجال الجمارك نجحوا فى ضبط بعض وقائع التحايل بالعملية الاستيرادية خصوصا أن المستوردين كانوا بيسجلوا بيانات الرقم التعريفي المبدئي للشحنات علي أمه هيستورد قطع غيار وعربات سكة حديد وفي الحقيقة بتكون الشحنات المستوردة عبارة عن عربيات ملاكي، وبيطلب تعديل البيانات الجمركية بالواردات بعد ما وصلت  لإتمام عملية الإفراج عنها .

طيب واردات مصر نو العربيات بتوصل لكام؟.


واردات مصر الإجمالية من العربيات في عام 2023 وصلت إلى 2 مليار و98 مليون دولار بزيادة بنا يقرب نو مليار دولار عن عام 2022 واللي وصلت فيه واردات مصر من العربيات الي مليار و931 مليون دولار .