الأحد 21 يوليو 2024
رئيس التحرير
عمرو عامر
المشرف العام
عبدالعظيم حشيش
تحليل

متاهة سوق السيارات.. هتزيد ولا هتنزل وايه حكاية عودة الأوفر برايس

الخميس 27/يونيو/2024 - 02:00 ص
السيارات
السيارات



هو ايه بالظبط اللي بيحصل في سوق السيارات اليومين دول وليه الأسعار رجعت تزيد وإيه حكاية عودة الاوفربرايس من تاني.. في التقرير هتعرف التفاصيل


سوق  السيارات زي ماقلنا قبل كده من أكتر القفطاعات اللي اتأثرت بشكل شبه كلي من أزمة نقص الدولار في 2023 وتقدر تقول كده إن كل القطاعات اللي ليها علاقة بتجارة وصناعة السيارت وقفت تقريبا مع الوقف الشبه كلي للاستيراد بسبب اولويات الحكومة وترشيد استخدام الدولار وقتها وبعد تعويم الجنيه في مارس اللي فات ووفاة السوق السودا للدولار  حصلت انفراجة في كل الاسواق بما فيها سوق السيارات واختفت ظاهرة الاوفربرايس اللي زوده التجار على سعر العربيات وقتها عشان تتجنب الخساير من تقلبات وتعدد سعر الصرف ونزلت الاسعار بشكل كبير لكن محصلش استقرار كلي في السوق لغاية دلوقتي.
طيب ايه الجديد في سوق السيارات؟
دلوقتي فيه كلام إن ارتفاع الاسعار رجع من تاني وكمان ظاهرة الاوفربرايس رجعت تاني على بعض موديلات السيارات وده حضرتك نتيجة تراجع المعروض من السيارات وزيادة الطلب الكبير على سيارات بعينها، و عدم طرح عدد كافٍ لتغطية طلبات المستهلكين وده مش كلامنا لكن كلام المسئولين عن القطاع والتجار.

رئيس رابطة تجار السيارات ونائب رئيس الشعبة العامة للسيارات في مصر طلع واتاكلم عن أسباب زيادة أسعار السيارات وعودة الأوفر برايس على بعض الموديلات وقال نفس الكلام إن السبب هو نقص وعدم كفاية المعروض من السيارات في السوق المصري بالتزامن مع توقف استيرادها تماما بما في ذلك الاستيراد الشخصي والمعاقين.

أبو المجد شايف إن جزء كبير من توقف الاستيراد سببه  استمرار توقف تسجيل السيارات عبر المنظومة الإلكترونية للشحنات، والمعروفة باسم "ACID Number"  وهو جزء أساسي من نظام الإفراج الجمركي عن السيارات الجديدة من الموانئ المصرية منذ حوالي شهر ونصف، وده تسبب في عودة ارتفاع أسعار السيارات في السوق المصري مرة تانية واحنا اتكلمنا في بانكير بالتفصيل عن أزمة السيارات المحتجزة في المواني بسبب تعطل التسجيل.

مسئول الشعبة العامة للسيارات في مصر مايعرفش ولا عنده معلومات واضحة عن معاد لاستئناف التسجيل مرة تانية وده دفع بعض الوكلاء لفرض زيادات سعرية على الموديلات اللي بتتوافر عندهم بكميات محدودة حاليا وإن إدراج الأوفر برايس في فاتورة شراء السيارات يجعله رسميا؛ لأنه هيدخل في نظام المحاسبة الضريبية.
يعني الخلاصة والمشكلة في سوق السارات دلوقتي في يد الجمارك وتعطل سيستم تسجيل السيارات الواردة لمصر والحقيقة فيه شيء غامض ومش مفهوم لأن في الوقت اللي السوق فيه بيعاني من نقص المعروض بيتم حجز أكتر من 13 ألف سيارة في المواني وبيوقف استيراد باقي السيارات من الخارج بسبب اجراءات روتينية.