هتستلم الأرباح يوميا والفايدة 23% .. مفاجأة بنك مصر للعملاء
يا ترى ايه حكاية حساب سوبركاشاللى بيقدمه بنك مصر لعملاؤه؟ وازاى بيتم صرف ارباحه بشكل يومي؟ وايه شروط فتح الحساب ده؟
في اليام الأخيرة أعلن بنك مصر عن تفاصيل أسعار الفائدة على الحساب الجاري ذور العائد اليومي سوبر كاش وبيمكن الحساب العملاء من التمتع بعائد مميز يحتسب يوميا ويضاف يوميا إلى الحساب.
وطبقًا للبنك فأسعار الفايدة على الحساب وصلت إلى 23% لأعلى شريحة إيداعات وهي اللي بتزيد على 100 مليون جنيه.
أما أقل شريحة للإيداعات واللي حددها البنك من 50 إلى 100 ألف جنيه فوصلت الفايدة عليها إلى 19% وبتعد أسعار الفايدة على الحساب اليومي ضمن الأعلى بين الحسابات المشابهة في البنوك التانية.
وفي هذا الإطار هنقول لحضراتكم تفاصيل شرايح الحساب اليومي والعائد عليها والبداية من شريحة الحساب من 50 إلى 100 ألف الفايدة عليه 19%
والحساب من 101 ألف إلى 500 ألف جنيه الفايدة عليه 19.25%
والحساب من 501 ألف إلى أقل من مليون جنيه، الفايدة عليه 19.50%.
ومن مليون جنيه إلى أقل من 2 مليون جنيه.. الفايدة 20%..و من 2 مليون جنيه إلى أقل من 10 مليون جنيه.. الفايدة إلى 20.5%.
ومن 10 مليون جنيه إلى أقل من 30 مليون جنيه.. الفايدة 21%.. ومن 30 مليون جنيه إلى أقل من 100 مليون جنيه.. الفايدة عليه 22.5%.. و من 100 مليون جنيه فأكتر الفايدة عليه 23%.
وبيتم احتساب العائد على رصيد الحساب وفقاً لشرائح تبدأ من 50 الف جنيه وبدون حد أقصى مع إمكانية إصدار دفاتر الشيكات لسهولة التعامل على الحساب… ويمكن إجراء كافة المعاملات البنكية من خلال فروع البنك المنتشرة في جميع أنحاء الجمهورية والحساب معفي من المصروفات الإدارية .
و يمكن الاستعلام عن الحساب وتنفيذ معظم المعاملات البنكية مجاناً من خلال خدمة الإنترنت البنكي وتطبيق الهاتف المحمول المقدمة من بنك مصر. كمان ممكن فتح الحساب مشترك باسم أكتر من شخص مع امكانية إصدار بطاقة خصم فوري على الحساب، وكمانإتاحة شراء شهادات ادخار بنك مصر بالجنيه المصري خصماً من الحساب وإضافة العائد للحساب تلقائياً في تاريخ الاستحقاق.
ومن مميزات الحساب كمان إمكانية سداد قيمة أقساط التأمين خصماً من الحساب، مع إمكانية سداد الالتزامات المختلفة نيابة عن العميل في حالة وجود تعليمات مستديمة بده خصما من الحساب مع إمكانية تحويل المرتبات والمعاشات من الجهات المعنية للحساب بناءا على رغبة العميل.
