مش بس قروض البنوك بتقدملك خدمات أهم من الفلوس
كتير مننا فاكرين إن البنوك أغلب شغلها في القروض وصرف المرتبات وتغيير العملة وطرح الشهادات الادخارية وخدمات الايداع والاستثمار .. لكن فيه خدمات تانية بتقدمها البنوك أهم من القروض .. ياترى جربت قبل كده تروح البنك وتسأل عن خدمات تانية وإيه هي الخدمات دي اقرأ للأخر وانت هتعرف مفاجآت كتير
البنوك في العادة هي مؤسسات مالية واستشارية متكاملة يعني بجانب الخدمات المالية البنك بيعتبر شريكك والاستشاري بتاعك لو احتجت أي استشارة فنية أو تخليص أوراق وتصاريح وغيرها والبنوك بتعمل كده دلوقتي عشان تدعم
الخدمات غير المالية للمشروعات الناشئة وبشكل رئيسي دعم التحول من الاقتصاد غير الرسمي إلي الاقتصاد الرسمي كأحد أهم أهداف الشمول المالي اللي الدولة شغالة عليه من فترة كبيرة وهدف أساسي من أهداف البنك المركزي إن البنوك تتحول لأستشاري لأصحاب المشروعات الصغيرة والمتوسطة عشان تدخلهم في الاقتصاد الرسمي بدل ما هما شغالين من بره.
طيب إيه هي الخدمات غير المالية اللي بتقدمها البنوك وبالتفصيل .. أول حاجة يافندم البنك بيقدملك دراسات الجدوى، وتصميم وتسويق المنتجات، والهيكل الإداري والتدريب وبناء القدرات، وغيرها لضمان نجاح مشروعك الجديد أو شركتك اللي لسه هتعملهاـ .. كمان الخدمات غير المالية من البنوك للعملاء هي تقديم التوعية بثقافة العمل الحر من خلال ضمك إلة برامج اللقاءات والندوات الترويجية بالجامعات والمعاهد العليا والمتوسطة المتخصصة وتدريب وتأهيل الشباب على إقامة وإدارة مشروعات صغيرة من خلال العديد من البرامج التدريبية.
ومش كده وبس الخدمات غير المالية من البنوك بتشمل المساعدة في استخراج التراخيص، واستخراج البطاقة الضريبية، والسجل التجاري وإصدار ترخيص مؤقت لأصحاب المنشآت الجديدة واستصدار الترخيص النهائي من الجهة الإدارية المختصة، وتسجيل ومنح الرقم القومي للمنشآت، وغيرها من التراخيص اللازمة للبدء في أى مشروع.
وتشمل الخدمات غير المالية كمان توفير خدمة المساعدة في إعداد دراسات الجدوى وإتاحة معلومات استثمارية لأصحاب المشروعات القائمة أو الراغبين فى إقامة مشروعات جديدة، وخدمات حاضنات الأعمال، واللي بتساهم في بدء تفعيل الأفكار الابتكارية بخلاف خدمات التسويق وإقامة المعارض الداخلية والخارجية العامة والمتخصصة.
وكمان فيه خدمات تانية بتقدمها البنوك التجارية لعملائها غير المعاملات المالية زي تمويل عمليات التجارة الخارجية، العمليات المصرفية لعمليات الاستحواذ والاندماج، وإصدار الأسهم وطرحها، الاكتتاب، وتمويل رأس المال الاستثماري،
وإدارة شركات التأمين، والتعامل مع معاملات السلع بالإضافة إلى دعم كبار السن وذوي الاحتياجات الخاصة في إنشاء وتطوير شركات صغيرة ومتوسطة وتحويل المشروعات الصغيرة والمتوسطة من القطاع الغير رسمي إلى القطاع الرسمي من خلال خدمة الشباك الواحد.
