الثلاثاء 23 يوليو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

تاني الساحل الشمالي.. ايه اللي بيحصل في مصر

الخميس 13/يونيو/2024 - 07:37 ص
صورة ارشيفية
صورة ارشيفية

 
 
هو إيه اللي بيحصل في الساحل الشمالي والأرقام بتقول إيه وهل صحيح المنطقة الللي هناك كلها هتبقي مصيف ومراكز تسويق وترفيه حوض البحر المتوسط كله وأوروبا ومنتجع الأغنياء.. شوف التفاصيل معانا في التقرير التالي

   
اتكلمنا كتير عن مستقبل الاستثمار في مصر وقلنا كتير أن اللي جاي كله خير ووفرة ونمو واقتصاد وتحديدا في ملف الاستثمارات الأجنبية المباشرة والعربية كمان واللي بتعتبر كلمة السر في اللي بيحصل في مصر وتحديدا في الساحل الشمالي.. طيب ايه اللي حصل.
شوف ياسيدي على مدار الساعات إللي فاتت وفيه منشورات منتشرة على مواقع التواصل الاجتماعي بتقول إن سعر الليلة في فنادق وقرى الساحل الشمالي وصل مليون أو 750 ألف جنيه وجايز الناس شافت ده نوع من المبالغة في الأسعار لكن الحقيقة دي مش مبالغة ولا حاجة لكن دليل على أهمية المنطقة السياحية والترفيهية على طول الساحل الشمالي المصري كله واللي قدر السيسي بمشروع مدينة العلمين الجديدة يحول فيها التراب لدهب وماس وبقالها مستقبل وسعر والعالم كله بيجري عشان يصيف فيها.
الأرقام الفلكية لحجز الغرف في الساحل الشمالي دليل على حجم الطلب على المنطقة من المصريين وتحديدا الأثرياء والأجانب والعرب على المنطقة لأن في النهاية سوق السياحة زي اي سوق اللي بيحدد أسعاره حجم العرض والطلب ومش هتصدق لو قلنا لحضرتك إنه رغم كل المشروعات السياحية اللي اتعملت لسه الطلب اكتر على المنطقة من حجم الغرف السياحية المعروض يعني مفيش اوضة فاضيه دلوقتي في الساحل الشمالي كله وده دليل على إن المنطقة هتكون قاطرة الاقتصاد المصري في السنين الجاية بعد الانتهاء من المشروعات الضخمة اللي بتتنفذ حاليا هناك وعلى رأسها مشروع رأس الحكمة العالمي واللي هيقلب موازين السياحة والترفيه والتسويق والبراندات العالمية والعقارات مش في مصر بس لكن في المنطقة.
التوقعات بتقول إن منطقة الساحل الشمالي المصري هتكون منجم هيدخل مليارات الدولارات لمصر سنوياً مقارنة بإمكانيات المنطقة الاجمل في العالم واللي اغلب البراندات العالمية والعلامات الفندقية في العالم بتتنافس علي إقامة مشروعات فيها حاليا وفي المستقبل والتوقعات بتقول إن المنطقة هتستقبا استثمارات ضخمة في الفترة الجاية على غرار صفقة رأس الحكمة ومنها مشروع صيني هيعدي في استثماراته مشروع رأس الحكمة وده اللي قاله السفير الصيني في مصر وغيره من المشروعات اللي جاية في الطريق.
طيب تأثير ده على سعر الدولار والبطالة؟
معروف إن سوق السياحة اكتر سوق بيستوعب عمالة من كافة الفئات وبيشغل ملايين الشباب لما يكون القطاع في ذروة الموسم وعشان كده بيطلقوا على القطاع السياحي قاطرة التنمية ومع اللي بيحصل في قطاع السياحة المصري من تطوير في كل المناطق الجديدة والقديمة وعلى كل المستويات متوقع إيرادات السياحة تتضاعف في الفترة الجاية وده ببساطة هيضمن تدفق دولاري مستمر في المستقبل هيكون ليه انعكاسات إيجابية على سعر الدولار في السوق.