الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
شمول مالي

بمليارات الدولارات.. بنك البريكس يقلب موازين الدولار والاقتصاد في مصر

الأحد 09/يونيو/2024 - 03:00 ص
بريكس
بريكس



زي ما احنا عارفين مصر انضمت في مارس 2023 رسميا لتكل دول بريكس واللي بتضم كبرى اقتصاديات العالم زي الصين وروسيا والبرازيل والامارات العربية المتحدة والسعودية ودول تانية.. لكن ايه اللي حصل في الساعات الأخيرة وهيقلب موازين الاقتصاد المصري وإيه اللي بيحصل في العاصمة الإدارية.
 

زي ما احنا عارفين بردو إن البريكس ليها بنك ضخم جدا تابع  ليها هدفه خدمة التكامل الاقتصادي والمالي للدول الأعضاء بما فيها اعتماد برامج تمويل ضخمة بفايدة أقل وبتسهيلات كبيرة جدا على عكس اللس بيحصل مع الدول وصندوق النقد الدولي وده لأن بنك بريكس واللي اسمه بنك التنمية الجديد مش هدفه الربح أكتر من مساعدة دول التكتل على الانطلاقة الاقتصادية والتكامل فيما بينها وتقليل الاعتماد على الدول الكبيرة خارج التكتل زي الولايات المتحدة مثلا وأوروبا.

طيب ايه الجديد في موضوع البريكس؟
شوف حضرتك حصل تطور كبير في قصة البريكس في الساعات الأخيرة بعد إعلان وزارة التعاون الدولي، تفاصيل الملتقى الأول لبنك التنمية الجديد في مصر، واللي هتستضيفه مصر بالعاصمة الإدارية الجديدة، يومي 11 و12 يونيو الجاري، تحت رعاية الرئيس السيسي، ويتم تنظيمه بشكل مُشترك من قبل وزارة التعاون الدولي وبنك التنمية الجديد.. يعني باختصار كده بنك بريكس كله جايلك مصر هنا عشان يشوف الفرص اللي عندك وانت محتاج إيه.
طيب البنك جاي هيعمل ايه يعني في مصر؟
زي ماقلنا لحضرتك دي مهمة استكشافية لامكانية الاسواق المصرية وزي ما اتقال في اليوم الأول بنك التنمية الجديدهيناقش في جلساته في اليوم الأول حشد الاستثمارات لاستراتيجيات التنمية في مصر، انطلاقا من دوره كأحد بنوك التنمية متعددة الأطراف المنضمين حديثًا للنظام المالي العالمي، سواء من خلال التمويلات المباشرة، أو الأدوات التمويلية التانية والأساليب المبتكرة، والدعم الفني، وكمان تقديم حلول مرنة مخصصة لاحتياجات الدول الأعضاء المختلفة.

مش كده وبس .. كمان من المقرر أن يقوم بنك التنمية الجديد، في فعاليات اليوم الأول بعروض تقديمية من مسئولي قطاعات البنك المختلفة حول الآليات والأدوات التمويلية وغير التمويلية اللي يقدمها لتعزيز التعاون مع الدول الأعضاء، سواء من القطاعين الحكومي والخاص.
بنك بريكس هيناقش كمان خطة مصر متعددة المسارات نحو النمو والاستثمار، واستعراض الفرص المتاحة في مصر والإمكانيات لتعزيز جهود التنمية والاستثمار في ظل سعيها للتحول إلى مركز إقليمي للطاقة، والتوسع في استثمارات الطاقة المتجددة، ودورها كلاعب رئيسي في جهود التنمية في قارة أفريقيا ومنطقة الشرق الأوسط، والدور الذي تلعبه قناة السويس باعتبارها ممر عالمي رئيسي ضمن مبادرة الحزام والطريق، وفرص الاستثمار في المنطقة الاقتصادية لقناة السويس التي تعد مركزًا صناعيًا ولوجيستيًا عالميًا.

طيب البنك هيعمل ايه تاني في مصر؟
شوف حضرتك بنك البريكس مخصص جلسات كاملة لمناقشة تحويل مصر لمركز للربط بين قارات العالم، واستغلال الموقع الاستراتيجي لمصر في مفترق الطرق بين أفريقيا وآسيا وأوروبا، ودورها المحوري في التجارة العالمية من خلال محور قناة السويس، والموانئ المتعددة في الإسكندرية ودمياط وبورسعيد، وهو ما يجعلها تلعب دورًا حيويًا في سلسلة الشحن واللوجيستيات العالمية، بجانب موقع مصر في قارة أفريقيا واستفادتها من اتفاقية التجارة الحرة القارية واللي خلت مصر مركز عبور للاستثمارات الراغبة في النفاذ للسوق الأفريقي.
طبعا البنك مش جاي يستعرض وماشي لكن التفاصيل اللي اتكلمنا عليها هيكون فيها تمويل بمليارات الدولارات من البنك لاستغلال موقع وقوة مصر زي ما قال بنفسه وهنشوف تفاصيل اكتر في الايام الجاية.