الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

ليه تقعد في الحر وتسيب البحر.. بنك مصر هيطلع مصيف على حسابه

السبت 25/مايو/2024 - 02:00 ص
بنك مصر
بنك مصر

 
 
الخبر دخل ومش قادر انت وولادك تكمل في اللهيب ده.. ونفسك تاخد أسرتك وتروح تشوف البحر لكن ممعاكش مصاريف المصيف دلوقتي ماتستناش لما الفلوس تيجي بنك مصر هيطلعلك مصيف على حسابه ومش هتحس بالاقساط .. تعالى شوف التفاصيل .

 
كتير من البنوك بتقدم قرض المصيف 2024 والرحلات السياحية بغرض الترفيه والسياحة كنوع من أنجح القروض لانه بيحل مشكلة كبيرة للأسر والعملاء واللي مش بيكونوا جاهزين ماليا في شهور الحر وبيعتبر قرض المصيف والرحلات السياحية من البنوك بمثابة خدمة للعميل قبل ما تكون مكسب للبنك.
 من افضل البنوك اللي بتقدم قرض المصيف والرحلات السياحية هو بنك مصر واللي بيقدم تسهيلات كبيرة في السداد وبيمنح بنك مصر قرض الرحلات السياحية للمصريين من خلال برامج التمويل والمتضمنة أن يتعهد الموظفين بتحويل الراتب / القسط الشهري من جهة العمل، واثبات الدخل بالنسية لأصحاب المهن الحرة وأصحاب الأنشطة التجارية والصناعية، أما أصحاب  مستحقي المعاشات فالبنك بيصرف لهم القرض بضمان تحويل المعاش أو بدون.

طيب ايه هي شروط قرض الرحلات السياحية بنك مصر.. شوف حضرتك حدد بنك مصر عدد من الشروط لحصول المتقدم على القرض والمتمثلة في إلا يكون عمر المقترض أقل من 21 سنة، والحد الأقصى لقيمة القرض تصل إلى 100 ألف جنيه (بشروط محدده)، وتصل نسبة التمويل إلى 100%، بمدة تمويل تصل إلى 120 شهر.
اما بخصوص الاوراق المطلوبة فهي سهلة ومتاحة وهي 
صورة البطاقة الشخصية. وإيصال ( غاز- كهرباء- مياه- تليفون ). و- عرض معتمد من الشركة.
وبالنسبة للموظفين فالمطلوب منهم شهادة مفردات الراتب الشهري. وتعهد جهة العمل بتحويل الراتب / القسط الشهري (في حالة تعهد جهة العمل).

وبالنسبة لأصحاب المهن الحرة والأنشطة التجارية والصناعية فهيكون مطلوب منهم صورة البطاقة الضريبية وصورة ترخيص / تصريح مزاولة المهنة (للمهن الحرة).
وصورة مستخرج رسمي حديث من السجل التجاري. وأخيرا كشف حساب بنكي لمدة 6 أشهر وبعدها هتصرف القرض وانت واقف وتطلع تصيف براحتك من غير ما تشيل هم المصاريف.