تطور خطير في ملف الصناعة.. حكاية 255 مليار دولار غايبة
إيه اللي حصل في الساعات الأخيرة وايه الاجراء اللي مصر هتورد منه 200 مليار دولار في السنة، وإزاي الصناعة المصرية هتعدي الحدود خليكم معانا عشان التفاصيل كتيرة
مفيش أي حل لازمات الدولار غير الإنتاج والتصنيع والتصدير وغير كده يبقي بنلف في دايرة مقفولة ودا الكلام اللي قاله الرئيس اللسيسي، ورغم إن مصردولة صناعية قديمة لكن الصناعة فيها محدودة وكتير منها بيعتمد على التجميع وكمان مكنش فيه خطط واضحة للصناعة ولا هدف مطلوب تحقيقه وعشان كده البلد فيها مشكلة عملة ومشكلة قلة التصنيع والتصدير.
وعشان نفهم قد إيه الصناعة مهمة جدا لتوفير العملة وتشغيل العملة كفاية نعرف إن تركيا وهي دولة شبه مصر في حاجات كتير صدرت السنة الل فاتت بـ 255 مليار دولار تخيل الرقم ضخم إزاي ولو عندنا نفس المعدلات كان حال مصر بقي إزاي والدولار كان هيبقي بكام وعشان تعرفوا الفرق تعالو نشوف مصر صدرت بقد إيه في 2023.. حسب البيانات الرسمية صدرنا أول عن أخر بـ 38 مليار دولار بس في دولة فيها أكتر من 100 مليون مواطن وألاف من رجال الأعمال والصناعة وعشان كده الملف ده كان على رأس أولويات السيسي في أول يوم في ولايته الأولي وكان لازم يعمل بنية أساسية قوية للصناعة وده اتحقق وبعدها بدأت مصر في خطة طموحة للصناعة ومدبولي قال إننا ممكن نصدر بـ154 مليار دولار في السنين الجاية وده كبداية.
ليه بنتكلم عن الصناعة النهاردة.. عشان ببساطة حصل تطور مهم جدا هيخلي التصنيع في مصر ينطلق بشكل سريع جدا وهو إن الحكومة شغالة دلوقتي على إنشاء صندوق للاستثمار في الصناعة تابع للصندوق السيادي، وحسب المعلومات الحكومة بتحط اللمسات الأخيرة على إنشاء صندوق فرعي للاستثمار بالصناعة، وهيتم إطلاقه خلال أيام قليلة.
طيب ايه اللي هيعمله صندوق زي ده.. شوف حضرتك أي صندوق سيادي بيهدف للكسب واضافة قيمة للاقتصاد القومي يعني جهة استثمار وعشان كده هيضخ أموال ضخمة في مشروعات ومجمعات ومدن صناعية بتهدف للتصدير وتحقيق إيرادات ضخمة ولأن دي وظيفة الصندوق السيادي إنه بيعظم موارده بشكل مستمر عشان يكون داعم للاقتصاد في أي وقت وذراع استثماري قوي للدولة ومفيش شك إن إنشاء صندوق للصناعة في مصر هيقلب موازين ملف التصنيع في مصر.
