الحكومة تعلن بشري سارة للمواطنين .. أخيرا الأسعار هتنزل

ملف الأسعار حاليا هو الشغل الشاغل للحكومة، خصوصا ان الحكومة عملت اللي عليها ووفرت لبن العصفور وهو الدولار اللازم لاستيراد.. يا تري اية الجديد في ملف الأسعار وخصوصا اللحوم والدواجن.. وهل هنشوف انخفاض حقيقي كمان في الاسعار في الايام اللي جاية

الفترة اللي فاتت في مصر، اسعار السلع والخدمات معندش لها ضابط ولا رابط وكل يوم حاجة بترفع وكل ما تسال عن السبب يقول الدولار رفع، ولكن بعد الخطة الشيطانية اللي عملتها الحكومة ووفرت الدولار بشكل رسمي قدام التجار والمستوردين، وحاليا الدولار بقي متاح ومتوفر قدام اي حاجة عايز يستورد وبالكمية اللي هو عايزها، ده غير الضربة القاضية اللي عملها البنك المركزي للسوق السودا في مصر، بتحرير سعر صرف الجنية المصري بشكل كامل قدام الدولار واللي كان شهادة وفاة للسوق السودا عندنا هنا في مصر .
وزي ما احنا عارفين عن التحركات الحكومية لتوفير واتاحة السلع باسعارها الحقيقية موفتش علي توفير الدولار في البنك وضرب السوق السودا في التجارة بالعملات، لا ده كمان الحكومة عملت اجتماعات مكقفة مع التجار والزمتهم بتوفير السلع وبيعها للمواطنين بسعرها الرسمي خصوصا ان الدولة عملت اللي عليها ووفرت الدولار وبسعره الرسمي، وحاليا الدور عليهم في تخفيض الاسعار، وفعلا اغلب التجار التزموا مع الحكومة خصوصا ان الحكومة عملت رقابة جامدة قوي في النقطة دي، واغلب اسعار السلع نزلت وبشكل كبير والمواطن حس بده فعلا.
اللحوم والاسماك والدواجن كانت هيا الجزء الشاز الوحيد اللي خرج عن سيطرة الحكومة ومش عارفة تسيطر عليه، وعلي الرغم من كل المحاولات اللي قامت بيها الدولة علشان تضبط الحتة دي ولكن كلها فشلت، لحد ما جهت من الشعب وعمل حملات لمقاطعة اللحوم والدواجن والاسماك واللي بدأت من الاسماعيلية وانتشرت لباقي المحافظات وكان لها صدي واسع بين الناس وانتشرت بشكل كبير، وبان اثرها علي الارض، وحاليا اسعار الاسماك والفراج انخفض بشكل كبير عن الاسعار اللي كانت موجودة عليها من اقل من شهر، ده غير التحركات الحكومية لتوفير اللحوم في المنافذ لسد حاجة السوق المحلي والسيطرة علي الاسعار.
طيب اية اللي عملته الحكومة في ملف السيطرة علي اسعار اللحوم والدواجن ؟.
السيد القصير، وزير الزراعة واستصلاح الأراضي قال ان الدولة اطلقت مبادرة الاتحاد العام لمُنتجي الدواجن لخفض أسعار الدواجن والبيض بنسبة تتراوح من 10% إلى 15% واللي كانت بتوجيهات من القيادة السياسية وضمن توجيهات الحكومة لخفض أسعار السلع لتخفيف العبء عن المستهلكين.
وزير الزراعة قال أن الاتحاد العام لمنتجي الدواجن أعلن عن المبادرة وعمل اجتماع مع ممثلي الشركات والجهات المعنية، وانه تم الاتفاق علي خفض الأسعار بنسبة من 10 إلى 15% كمرحلة أولى.
القصير كمل كلامه وقال أن المبادرة ساهمت في خفض اسعار الدواجن والفراخ في الاسواق ووصل سعر الكيلو الفراخ الحية لـ 85 جنيهًا وبوصل للمستهلك بسعر أقصى 95 جنيها، ووصل سعر كرتونة بيض المائدة لـ 135 جنيهًا في المزارع وبتوصل للمستهلك بسعر أقصى 140 جنيها.