دولار وإرهاب ولاجئين.. 3 أزمات هددت بانهيار الاقتصاد المصري بسبب مشاكل الجوار
مصر باعتبارها واحدة من اقوي الدول في المنطقة العربية والشرق الأوسط واجهت ازمات اقتصادية كبيرة واللي هددت في وقت من الاوقات الاقتصاد القومي المصري، والغريبة ان اغلب الازمات اللي وقعت فيها مصر كانت بسبب الدور المحوري لمصر واهميتها السياسية في المنطقة.. يا تري اية ابرز الازمات الاقتصادية اللي قابلت مصر بسبب دورها الأقليمي في المنطقة وازي مصر قدرت علي حلها
علي مدار سنين طويلة ومصر باعتبارها واحدة من اهم الدول المحورية في منطقة الشرق الاوسط والمنطقة العربية اتحطت في مواقف شديدة جدا وكان لها تبعات علي الاقتصاد القومي المصري، ولولا قوة الدولة المصرية وحكمة القائمين علي السياسة المصرية كانت الوضع هيكون غير الموجود عليها تماما دلوقتي.
اول المشاكل اللي قابلت مصر في الالفية الجديدة هو تنظيم الدولة الاسلامية داعش واللي كان مركزه الاساسي في ليبيا واللي كان هدفه الاساسي ضرب الاستقرار السياسي والاقتصادي اللي موجود في مصر، واللي طبعا له تاثير كبير علي الناتج والدخل القومي المصري وخصوصا الدخل اللي بيدخل لمصر من قطاع السياحة.
ثاني المشاكل اللي بتقابل مصر في الوقت الحالي هو الصراع الإسرائيلي الفلسطيني واللي كان ولسه موجود في المنطقة العربية واللي أثر بشكل كبير علي الدخل القومي المصري من قطاعات كتيرة وخصوصا الدخل الدولاري لمصر من قناة السويس واللي الدخل بتاعها تاثر بنسبة كبيرة جدا بسبب هجمات جماعة الحوثيين علي السفن الإسرائيلية والأمريكية بسبب الدعم الامريكي والحرب الإسرائيلية علي قطاع غزة، خصوصا ان أغلب سفن التجارة الدولية خافت علي البضائع الموجودة معاها واضطرت لتغير خط سيرها من الملاحة في البحر الاحمر الي الدوران في طريق رأس الرجاء الصالح واللي كلف حركة التجارة تكلفة اضافية نتيجة الدوران حول قارة افريقيا لمسافات طويلة وبالتالي طبعا بياخذ فترة اطول علي ما يوصل للدولة اللي رايحة ليها عليها، خصوصا ان قناة السويس كانت ولازالت واحدة من اقوي مصادر الدخل الدولاري المصري.
السياحة هي ثاني اكتر القطاعات اللي تاثرت بالحرب الإسرائيلية علي قطاع غزة، واللي كان بيستهدف تحقيق رقم اعلي بكتير من الرقم اللي حققه القطاع واللي وصل في عام 2023الي 14.9 مليون سائح، ولولا قيام الحرب دي كانت مصر هتوصل لرقم غير مسبوق علي مدار تاريخها كل وبالتالي كان هينعكس طبعا علي الدخل الدولاري المصري خصوصا ان مصر بتحط امل كبير علي قطاع السياحة كواحد من القطاعات اللي بتمثل مصادر للدخل الدولاري المصري.
لسه مكملين معاكم حلقتنا وبنروح لدولة السودان واللي حاليا بردوا بتشهد حالة من الصراع بين قوات الدعم السريع وقوات الجيش السوداني واللي طبعا كان لها تاثير كبير علي الاوضاع الداخلية هناك وبسببها عدد كبير من الشعب السوداني اضطر انه يسيب بلده ويروح دولة تانية واول وابرز الدول اللي كانت قدامهم هيا مصر واللي استقبلت اكثر من 9 مليون نازح من دول مختلفة وحاليا بيمثلوا ضغط شديد علي البنية التحتية المصرية والموارد والسلع اللي مخصصها الدولة للشعب المصري، خصوصا ان الرقم ده بيتعدي التعداد السكاني لبعض الدول، ولكن الدولة المصرية كانت ولازالت هو الركن الأمن لكل دول العالم واللي عمرها ما قبلت بابها في وش حد .
