الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
تحليل

شوف امتي تشتري.. إيه اللي بيحصل في سوق السيارات وعلاقته بالدولار

الجمعة 19/أبريل/2024 - 09:30 ص
السيارات
السيارات

 

هي صحيح السيارات رجعت تزيد تاني وإيه علاقة ده بالدولار وايه اللي بيحصل دلوقتي في سوق السيارات وامتي تشتري.. خليكم معانا وهنعرف التفاصيل

النهاردة كل الكلام عن الدولار وعن حالة الركود اللي لسه في سوق السيارات رغم إن فيه تجار وشركات كتير نزلت أسعار السياارات بشكل كبير جدا.. طيب ايه السر.. الموضوع مفيهوش أسرارا ولا حاجة لكن الناس فهمت يعني إيه اقتصاد ويعني إيه تحليل سوق وعرفت امتي تشتري وامتي تبيع وبقت متابعة جدا لكل اللي بيحصل وأكيد الناس وخاصة اللي بيفكر يشتري عربية عارف إن سوق السيارات في النازل بعد الزيادات القياسية في السنة اللي فاتت نتيجة ارتفاع الدولار وسيطرة السوق السودا على العملة وده قبل التعويم وقرارات المركزي الللي ردمت بعدها السوق الموازية.
الناس تابعت تحليلات وتوقعات سوق السيارات وعرفت إنها لازم تستيني شوية ومش قبل شهرين تلاتة عشان تفكر تشتري ودا لان الأسعار هتنزل بشكل كبير جدا.. وطبيعي الناس اللي صبرت سنة تصبر شهرين عشان تجيب عربية وتوفر في نفس الوقت مبلغ محترم.. طيب ايه علاقة سوق السياارات بالدولار.. أكيد طبعا فيه علاقة مباشرة وكمان سعر الدولار تقدر تقول كده إنه هو اللي بيحدد سعر السيارات ودا طبيعي في أي سلعة بتيجي مستوردة من بره لأن المستورد بيدفع تمنها بالدولار وطبيعي يكسب في السلعة لما يجي يبيعها بالجنيه وإلا هيخسر طبعا فتاجر العربيات بيجيبها بالدولار ويضرب سعرها في الجنيه زائد مكسبه والجمارك ويطرح السعر للجمهور وبالتالي أي ارتفاع كبير في سعر الدولار هيزود أسعار السيارات ودي قوانين سوق.
طيب ليه بنقولك السيارات هتنزل الفترة الجاية بشكل كبير اوووي.. عشان حاجتين مهمين جدا حضرتك أولها زيادة المعروض من السيارات في الفترة الجاية لأن السوق لسه بيعاني من نقص معروض السيارات بسبب وقف الاستيراد تقريبا بشكل كامل السنة اللي فاتت لترشيد استخدام الدولار وبالتالي الطلب زاد وتراكم على السيارات يعني تقدر تقول السوق عطشان واللي بيحصل دلوقتي إعادة تزويد السوق بالسيارات المختلفة من خلال عمليات استيراد واسعة وتلبية احتياجات السوق وصولا لنقطة التوازن وبعدها المعادلة تتقلب ويكون المعروض اكبر من المطلوب وهنا الاسعار هتثقل جدا... تاني حاجة هترخص سعر السيارات هي استقرار وانخفاض الدولار ودا مش كلامنا دي توقعات خبراء السوق والاقتصاد وكمان المؤسسات المالية الدولية اللي شايفين إن الدولار هيتراجع بشكل كبير قدام الجنيه افترة الجاية وهيفقد 9 جنيه مره واحدة وهيستقر عند 40 جنيه وفيه مؤسسات قالت هيتراوح بين 38 و40 جنيه ودا أكيد هينعكس على أسعار السيارات بشكل كبير وعشان كده بنقولك اصبر شوية وهتوفر فلوسك وتشتري عربية جديدة.