الإثنين 27 مايو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

حساب مجاني ووثيقة تأمين على الحياة.. مميزات مبادرة التمويل العقاري من البنك الأهلي

السبت 20/أبريل/2024 - 08:20 ص
التمويل العقاري
التمويل العقاري

 
 

مبادرات التمويل العقاري واحدة من أهم المبادرات اللي يتقدمها البنوك للمواطنين لتحقيق حلم العمر وشراء شقة سكنية علشان تكون بيتم وبيت عيالك، وتدفع بعد كده براحتك مع البنك.. يا تري أية هما اعلي 10 بنوك قدموا قروض للمواطنين ضمن مبادرات التمويل العقاري.. وآية هيا شروط البنوك علشان المواطنين يقدروا يستفيدوا من مبادرة التمويل العقاري.

الظروف الإقتصادية اللي بتمر بيها الدول ومصر واحدة منهم فرضت تحديات اقتصادية كبيرة علي الناس، وظروف المعيشة حاليا اختلفت بشكل كبير عن الفترات اللي فاتت، خصوصا بعد التغيرات اللي بتحصل في سوق صرف الجنية المصري مقابل العملات الاجنبية واهمها الدولار، وحاليا علشان اي حد فينا يشتري حاجة وخصوصا لو كانت شقة عايز شئ وشويات خصوصا ان اقل شقة حاليا سعرها بيدخل في مليون.
علشان كده وبسبب الركود في حركة البيع والشراء في سوق العقارات، البنك المركزي طرح مبادرة للتمويل العقاري واللي دخل فيها اغلب البنوك الوطنية والموجودة في مصر وعلي راسهم البنك الأهلي  علشان تقدم شروط وتسهيلات تلائم شريحة كبيرة من العملاء لشراء الشقق السكنية .
طيب اي هيا شروط البنك الأهلي علشان يدي قرض لعميل او يشتري شقة لعميل ضمن مبادرة التمويل العقاري؟.
البنك الأهلي اتاح للعملاء امكانية الاستفادة من مبادرة التمويل العقاري لمحدودي ومتوسطي الدخل، والحصول على شقة سكنية، بنظام تقسيط يتناسب مع قيمة دخل صاحب الطلب.
طبعا البنك الأهلي زيه زي اي بنك، دخل في مبادرة التمويل العقاري وحط شروط محددة لدخول العملاء في مبادرة التمويل العقاري واهمها أن يكون صافي الحد الأقصى للدخل الشهري ميقلش عن 6 آلاف جنيه للفرد، و8 آلاف جنيه للأسرة، ويكون سن المقترض ميقلش عن 21 سنة في تاريخ الدخول في المبادرة، وميتعداش 65 سنة لكافة الشرائح في تاريخ انتهاء التمويل أو سن بلوغ المعاش للموظفين أيهما أقرب، وبحد اقصى 75 عاما في نهاية التمويل لأصحاب المعاشات والمستفيدين من المعاش.
شروط الاستفادة من مبادرة التمويل العقاري للبنك الأهلي، تضمنت ان الدخول في المبادرة متاح للمصريين بس، يعني مينفعش مواطن عربي او اجنبي يستفيد من المبادرة، وكمان اشترط أن تكون مدة العمل 6 أشهر للموظفين بالقطاع الخاص والحكومي، 12 شهر لأصحاب الأعمال والمهن الحرة، وبتكون مدة القرض الحد الأدنى ليها 5 سنين والأقصى 30 سنة، وكمان اشترط تحديد قيمة الوحدة يكون من صندوق الإسكان الاجتماعي ودعم التمويل العقاري وفقا للإعلان المصدر، وان الدفعة المقدمة هتكون 10%  كحد أدنى من إجمالي قيمة الوحدة، وقيمة التمويل هتوصل لحد %90 من إجمالي قيمة الوحدة، ده غير وديعة الصيانة هتكون 10% كحد اقصى من سعر الوحدة.
البنك كمان اشترط أن تكون نسبة عبء الدين متتعداش القسط المستقطع للتمويل العقاري بنسبة 40% من صافى دخل العميل بعد استبعاد كل الاستقطاعات السيادية، بواقع 50% لكافة التزامات العميل، وهيكون سعر الفايدة %3 متناقص.

طيب اية هيا مميزات التمويل العقاري من البنك الأهلي عن غيره من البنوك اللي داخله في المبادرة.
البنك الأهلي قدم شوية مميزات لتحفيز العملاء علي الدخول في مبادرة التمويل العقاري من خلاله واهمها اتاحة فتح الحساب مجاناً، والاعلاف من مصاريف الاستعلام الائتماني، وكمان بيدي وثيقة تأمين مجانية على الحياة والعجز الكلي، وحدد عمولة التأخير بـ % 2 على الأقساط مستحقة الدفع.