صدمة من الحكومة لأصحاب معاش تكافل وكرامة.. شوف إية الحكاية

 

طبعاً داخل علينا عيد الفطر المبارك، وكل بيت عايز مصاريف العيد علشان العيديه والكعك خلافه من لوازم البيت، في بيوت كتير مننا مش معاها غير المرتب أو القبض واللي بتستناه من شهر الثاني علشان تعرف هتجيب أية وتصؤف منين خصوصاً الفئات الأولي بالرعايا والناس اللي بتقبض تكافل وكرامة.. يا تري المنح بتاعتهم هتول كان الشهر ده.. وانتي ممكن يقبضوا المنح لشهر ابريل 
 
في فئات كتيرة في مجتمعنا المصري بتستني الشهر للثاني علشان تعرف هتقيض المنح بتاعتهم من وزارة التضامن الاجتماعي أمتي، خصوصا في الأيام دي واللي بيكون داخل عليهم عيد أو مناسبة اجتماعية معينة ولتكون الأسر البسيطة دي من الناس بتستني اليوم اللي بتقول عليه الوزارة علشان بدري يكون قدام ماكينات الصراف الالي علشان يصرفوا المتحف ويشتروا لازمهم والحاجات اللي بيوتهم محتاجها .

الحقيقة أن من إعلان إقرار الرئيس عبدالفتاح السيسي رئيس الجمهورية حزمة جديدة من الرعايا الاجتماعية وأغلب طوائف المجتمع بتسال عن مواعيد نزول المرتبات بالزيادة الجديدة واحدة من هم المرتبات والمنح الشهرية هيا منح برنامج تكافل وكرامة واللي اغلب الفئات حاليا بتسأل عن المواعيد النهائية لنزول المنح المخصصة ليهم.

وعلي طول طلعت وزارة التضامن الاجتماعى وطئمت الناس وقالت إنه هيتم  صرف معاش تكافل وكرامة في منتصف كل شهر ميلادي، أن معاشات شهر أبريل الجاري هتكون متاحة للمستحقين يوم 15 أبريل الجاري في ماكينات الصراف الالي او البريد المصري .
طيب الزيادة الجديدة اللي أقرها الرئيس السيسي هتوصل منح تكافل وكرامة قد أية؟.
وزارة التضامن الاجتماعى أعلنت عن بدء تطبيق الزيادات الجديدة علي منح تكافل تماشياًمع قرارات الرئيس بإعلان حزمة من الرعايا الاجتماعية للمواطنين إعتبارا من شهر مارس اللي فات واللي كانت بسنية 15% وتم صرفها إعتبارا من شهر مارس اللي فات، ووصل متوسط معاش تكافل وكرامة الشهري من 620 إلى 740 جنيهًا لكل أسرة بإجمالي مستفيدين  22 مليون مواطن.

طيب مين من الناس اللي يستحق يصرف منح معاش تكافل وكرامة من المواطنين؟.

وزارة التضامن الاجتماعي حددت المستحقين لمعاش تكافل وكرامة، وهم الأسر الأولى بالرعاية واللي مش بيكون فيهم  الزوج أو الزوجه او المسن أو العاجز شغال في الحكومة او القطاع العام او بالقطاع الخاص بأجر تأمينى أكثر من 400 جنيه او يكون بيتقاضي معاش تأمينى او مساعدة ضمانية ولازم تكون الأسر الأولى بالرعاية أو الراغبين في الحصول على دعم برنامج تكافل يكون عندهم أطفال من حديثي الولادة حتي سن 18 سنة، ويكون الأبناء من سن 6 لسن 8 عشر بمراحل التعليم المختلفة.

كمان وزارة التضامن الاجتماعي حددت سن  المتقدمين لبرنامج "كرامة" من المسنين ويكون بيبدا من سن 65 سنوات أو يكون المتقدم من أصحاب العجز الكلي أو. الجزئي أو صاحب مرض مزمن يمنعه من العمل أو ينقص من قدرته على العمل ويثبت المرض أو الإعاقة بالفحص الطبي، أو من الأيتام الذي اللي مش بياخذوا اي رعاية من الأب أوالأم او من الأقارب من الدرجة الثانية أوأبعد من كده.

طيب هل في طريقة تقدر الأسر استعلم عن نزول المعاشات قبل ما يروحوا يقفوا ثدان ماكينات الصراف الالي ومكاتب البريد

طبعا في أكثر من طريقة للاستعلام عن نزول معاشات تكافل وكرامة وأبرزها الدخول علي موقع الوزارة الرسمي للاستعلام وكتابة الرقم القومي للمستفيد من تكافل وكرامة في المكان المخصص له وبعدين تضغط علي كلمة الاستعلام عن تكافل وكرامة هتظهر لك نتيجة الاستعلام، واللي هتكون فيها معلومات وبيانات المستفيد تكافل وكرامة.

في طريقة كمان للناس اللي مش بتعرف تتعامل مع التطبيقات علي الموبايلات وهيا الإتصال بالرقم 19680 يتم وده مخصص لتلقي شكاوي واستفسارات الفئات المستحقة من الأسر، والأطفال، والنساء، وذوي الإعاقة، وكبار السن، والشباب، وهتقدم البيانات اللي هيطلبها منك الموظف وهيقولك علي موعد نزل منح معاشات تكافل وكرامة.