الأحد 14 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

لو عاوز تعرف الدهب رايح على فين.. لازم تشوف الفيديو ده

الثلاثاء 02/أبريل/2024 - 04:30 ص
الذهب
الذهب

 

معاك قرشين وعاوز تستثمرهم فى الدهب ومش عارف تشترى دلوقتى ولا تستنى شوية؟ طب معاك دهب وعاوز تعرف تحتفظ بيه ولا تبيعه؟ محتار ومش عارف سوق المعدن النفيس رايح فين؟.. لو عاوز تعرف اجابة الأسئلة دي وغيرها كتير لازم تشوف الفيديو ده

الناس فى كل العالم مش فى مصر بس مشغولة بمعرفة مصير الدهب وهل هيواصل الارتفاع ولا ممكن سعره ينخفض وبالتزامن مع ده البنوك المركزية معدلات شرائها للدهب بتزيد فى ظل التوترات السياسية فى أماكن كتيرة فى العالم وفى اوقات بيعتبر فيها الدهب ملاذ آمن واستثمار مضمون

وشهدت أسعار الدهب انتعاشة قوية في شهر مارس وسجل الدهب أفضل أداء ليه  من نوفمبر 2022 فى الشهر الأخير وطبعا الارتفاع والانتعاشة القوية مدفوعين بالعديد من العوامل على رأسها تأكيد الفيدرالي على نيته في خفض الفائدة 3 مرات في 2024 وطبعا خفض الفايدة هيخلى معظم المستثمرين يلجأوا للدهب خصوصا وان أدوات الدين مش هتكون بتحقق عوايد مرتفعة زي ما كان حاصل فى اخر سنيتن مع الارتفاع الكبير فى اسعار الفايدة على العملة الأمريكية وده يفسر ليه كميات كبيرة من الأموال الساخنة هربت من الأسواق الناشئة ودخلت السوق الأمريكية عشان تستفاد من معدل الفايدة المرتفع اللى بتقدمه أدوات الدين الحكومية فى الولايات المتحدة

وارتفع الدهب بنسبة تقترب من ال 8% خلال مارس. وأنهى الربع الأول صاعد بشكل كبير  ليكون الربع التاني على التوالي اللي يصعد فيه الدهب لغاية ما وصل الى 2233 دولار.

 

وفيه عدد من البنوك المركزية بدأت تكتنز كميات كبيرة من الدهب فى اطار التخلى عن الدولار فى حجم الاحتياطيات النقدية ومن بينهم البنك المركزي الصيني كواحد من أكتر البنوك المركزية شراءًا للدهب  في العالم،

وزادت شهية المركزي  الصيني للدهب مع وجود بعض التحديات الاقتصادية والركود في قطاع العقارات وإفلاس بعض الشركات العقارية الضخمة

ويأتي من بعد الصين دولة بولندا اللي أصبحت تاني أكبر مستهلك للدهب فى العالم مع اقتراب أرض النزاع الروسي الأوكراني من الحدود البولندية .. وفي المركز التالت حلت دولة سنغافورة ومعاها تركيا لببى شهدت زيادة كبيرة في مشترياتها من الدهب مع وجود بعض الاضطرابات الاقتصادية أدت الى رفع أسعار الفايدة إلى 50% على خلفية صعود عنيف في مستويات التضخم.

طب الدهب كده اسعاره هتوصل لفين ؟

أغلب التوقعات بتقول ان سعر الاونصة عالميا هيتخطى 2300 دولار فى ظل استمرار الطلب على الدهب وفى ظل استمرار اشتعال مناطق الصراع فى العالم واحتماء المستثمرين بالمعدن النفيس فى مواجهة التلقبات في سوق الاستثمار

وطبعا وصول الدهب الى 2300 دولار للاونصة هيرفع من اسعار الدهب فى مصر خصوصا ان سعر الدهب عندنا مرتبط بشكل اساساي بالسعر العالمى وكمان سعر الدولار