أخطر تحدي هيواجه السيسي في الولاية الجديدة.. لو نجح مصر هتروح في حتة تانية
خلاص ساعات والرئيس عبدالفتاح السيسي هيؤدي اليمين الدستورية رئيسا للبلاد فى ولاية جديدة بينتظره فيها تحديات اقتصادية كبيرة وهيقابل فيها مشاكل ضخمة.. فيا ترى ايه خطة السيسي فى الولاية الجديدة ؟ إيه أخطر أزمة ممكن تواجهه خلال السنين الجاية؟
يوم التلات وامام مجلس النواب هيؤدي السيسي اليمين الديتورية ومن بعدها هتنطلق حقبة جديدة فى مسيرة مصر .. حقبة عنوانها الجمهورية الجديدة اللى أسسها السيسي وبيحاول يكمل بنائها فيما تبقى من سنوات حكمه.. ومع الانطلاقة الجديدة للدولة فيه كم هائل من المشاكل والأزمات الاقتصادية اللى بتحاصر الحكومة وأهمها طبعا سداد الالتزامات الخارجية والقضاء بشكل نهائي على أزمة نقص العملة الأجنبية وتهيئة مناخ الاستثمار وتذليل أى عقبات بتقف قدام دخول الاستثمارات الأجنبية المباشرة.
طب السيسي عمل ايه فى الملفات دي الفترة اللى فاتت ؟
الرئيس السيسي عارف ان الاقتصاد هو عصب الحياة واى نجاح بعيد عن تحسين حياة الناس نجاح منقوص وعشان كده لما أزمة الدولار خرجت عن السيطرة والمور بدأت تفلت الرئيس تدخل وخد عهد على نفسه ان أزمة نقص العملات الجنبية تبقا تاريخ وفعلا بدأ يشتغل على الأرض ودخل فى مفاوضات مع الامارات ونجح فى التوصل الى اتفاق على تطوير منطقة رأس الحكمة وقدرت مصر تاخد 35 مليار دولار بشكل عاجل بالاضافة الى 135 مليار دولار هيتم ضخها خلال مراحل تنفيذ المشروع
الرئيس كان شغال على أكتر من محور فيما يتعلق بأزمة الدولار ومن اهم المحاور دي الدخول فى مفاوضات مع مؤسسات تمويل ومع شركائ دوليين يهمهم استقرار مصر ونجح فعلا بعد مفاوضات شاقة وجهود مضنية فى التوصل لاتفاق جديد مع صندوق النقد برفع قيمة برنامج التمويل المقدم الى مصر من 3 الى 8 مليار دولار .. كمان قدر يقنع الاتحاد الاوربي بدعم مصر بمبلغ حوالى 8 مليار دولار هتدخل فى صورة مشروعات ضخمة هيتم تنفيذها فى مصر والبنك الدولى هو كمان هيمنح مصر حوالى 3 مليار دولار
وطبعا السيولة الدولارية دي كان ليه دور مهم فى ضبط سوق الصرف وبعد ما الدولار كان وصل الى 70 جنيه فى السوق السودا قدرت الدولة تنزل بسعر الدولار الى مستوى 48 جنيه والأهم انها حاليا بتوفر للشركات والمستوردين طلباتهم من العملة الصعبة وده هيكون ليه انعكاس على اسعار السلع والخدمات الفترة الجاية
طب إيه أخطر تحدي هيواجه السيسي في الولاية الجديدة؟
أهم تحدي هيواجه السيسي والدولة المصرية هو استقرار سعر صرف الجنيه امام العملات الأجنبية وتوفير سيولة دولارية تمنع ظهور السوق السودا للعملة من جديد لأن كل الأزمات اللى عانت منها مصر فى الفترة الأخيرة كان اساسها أزمة نقص العملات الجنبية وشح الدولار واللى كان ليه انعكاس سلبي قوي على الأسعار وعلى السواق وعشان كده الدولة حاليا بتخطط لتعظيم عوايدها التقليدية من العملة الصعبة زي السياحة والصادرات وتحويلات المصريين فى الخارج وكمان عوائد قناة السويس اللى تاثرت بشدة باللى بيحصل فى البحر الحمر من هجمات الحوثيين.
وايه اللى ممكن يحصل لو السيسي نجح فى التحدي ده ؟
حرفيا مصر هتبقا فى حتة تانية خالص لأن الاقتصاد المصري قبل أزمة كورونا ومن بعدها الحرب الروسية الاوكرانية والعدوان على غزة كان ماشي فى سكة حلوة جدا وكان بيحقق معدلات نمو كبيرة ولولا الزمات ديكان زماننا بنتكلم كلام مختلف تماما عن وضع مصر الاقتصادي وعن انجازات مهمة اتحققت
