الأربعاء 29 مايو 2024
رئيس التحرير
عمرو عامر
المشرف العام
عبدالعظيم حشيش
اقتصاد مصر

الحكومة تظهر العين الحمرا للتجار.. 20% انخفاض في أسعار السلع والتطبيق خلال ساعات

الثلاثاء 26/مارس/2024 - 12:25 ص
اسعار السلع
اسعار السلع

 

انقلاب في الأسواق والأسعار خلال ساعات.. ايه اللي حصل وازاي الرئيس أتدخل لوضع حد لفوضى الاسعار وجشع التجار وايه الرسالة اللي وجهها المحتكرين وازاي الحكومة اتحركت وخدت إجراءات كلنا هنشوفها خلال ساعات.. تعالوا نشوف الي حصل 

كلنا فاكرين رسالة وتهديد الرئيس السيسي لتجار الأزمات والاحتكار وتوجيهاته للحكومة بالتدخل الفوري لو الأسعار مرجعتش تنزل بعد نزول الدولار وحل أزمات الافراجات الجمركية وبقت السلع متوفرة ولدرجة السيسي كلف الحكومة بتخصيص مبلغ ضخم لتوفير السلع وبيعها مباشرة للمواطنين بأسعار مناسبة ومن ساعة تهديد السيسي وحصل انقلاب وتحركات كبيرة في غرف الحكومة والغرف التجارية والتجار الكبار عرفوا أن الرئيس صبره نفد وإنه مش هيسكت على ارتفاع الأسعار اكتر من كده بعد ما حجة التجار انتهت وهي ارتفاع أسعار الدولار.

الجديد بقي إنه تنفيذًا لتوجيهات الرئيس  الحكومة والتجار اتفقوا على إطلاق مبادرة حقيقية لخفض الأسعار، وتم عقد لقاء موسع، بمقر الحكومة بالعاصمة الإدارية الجديدة، مع كبار مُصنعي ومُنتجي ومُوردي السلع الغذائية، زي السُكر، والحُبوب، والأرز، والقمح، والطحين، والمكرونة، والشاي، والألبان، والجُبن، والسَمن، والزُبد، واللحُوم، والزُيوت، وكمان منتجي السلع الهندسية والالكترونيات، وممثلي كبريات السلاسل التجارية، واللي بيمثلوا  أكتر من 70% من حجم السوق ومدبولي كان صريح وعنيف وقالهم إن الأسعار اللي في السوق مش عادلة وياتنزلوا الأسعار يا إما الحكومة هتتصرف.

في النهاية اتفق التجار وأصحاب المصانع و الموزعين على إطلاق المبادرة والالتزام بيها وبنسبة تخفيض حقيقية بتتراوح بين 15% و20%  ودا خلال 48 ساعة مع الاتفاق على زيادة نسبة الخفض في الأسعار  إلى 30% بعد عيد الفطر.

وحسب التفاصيل السلع اللي داخلة في المبادرة هي السلع الأساسية زي السكر، والحبوب، والأرز، والقمح، والطحين، والمكرونة، والشاي، والألبان، والجُبن، والسَمن، والزُبد، واللحُوم، والزُيوت، و السلع الهندسية والالكترونيات.
طيب الحكومة هتابع ازاي  تطبيق قرارات مبادرة خفض أسعار السلع .. شوف حضرتك تم الاتفاق على كل التفاصيل بخصوص المبادرة عشان مايبقاش لطرف حجة والحكومة هتابع تنفيذها من خلال نشر فرق المتابعة بمجلس الوزراء بجميع افرع السلاسل التجارية والسوبرماركت على مدار الأيام الجاية مع إعداد تقرير مفصل عن الأسعار بالصوت والصورة، وبيعكس ما يحدث بشكل حقيقي على أرض الواقع كمان  إعداد تقرير يومي عن الانخفاضات اللي بتنزل في الأسعار، على أن يتضمن  التقرير رصد واقع لمستويات الأسعار الحقيقية وإن المواطن لازم يشعر بأثر انخفاض الاسعار في الساعات اللي جاية.

طيب ليه الرئيس أتدخل دلوقتي في قضية الاسعار.. ده حضرتك لسببين الأول أنه قبل تحرير سعر الصرف كان فيه أزمة حقيقية في الدولار وارتفاع تكاليف الإنتاج نتيجة الاستيراد وبالتالي كان منطقي الأسعار تزيد والسبب التاني كانت قرارات ارتفاع أسعار البنزين والسولار والغاز والبتوجاز واللي تجار كتير استغلوها لرفع الأسعار أو تبرير رفع الأسعار بشكل مبالغ فيه وقرارات الرئيس بتأكد إن الدولة مش ممكن تسيب المواطن لمافيا الاسعار وإن اي قرارات صعبة بتكون غصب عن الحكومة.