الثلاثاء 25 يونيو 2024
رئيس التحرير
عمرو عامر
المشرف العام
عبدالعظيم حشيش
تحليل

فلوس من الدولة للمواطنين.. أسرار الموازنة الجديدة للدولة

الخميس 21/مارس/2024 - 03:40 ص
الموازنة الجديدة
الموازنة الجديدة

 
 
بعد ما الدولة حققت هدفها في توفير الدولار بسعره العادل في البنوك واتاحته للتجار والمستوردين وخلصت من دوشة السوق السودا في التجارة بالعملات الاجنبية للابد، حاليا في نظرة جديدة للاقتصاد الوطني، وبدأ الحكومة تفكر بشكل جدي لتعويض المواطنين عن الفترات الصعبة اللي عاشوا طول السنين اللي فاتت في الموازنة الجديدة للدولة 2024 -2025.. يا تري الموازنة الجديدة للدولة هتكون عاملة ازاي واية هيا اهم بنودها.

مفيش دولة في العالم هتقدر تشتغل بشكل مظبوط طول ما عندها مشاكل بتهدد استقرارها وامنها، وده للاسف اللي كان حاصل في مصر علي مدار الشهور اللي فاتت خصوصا مع اتساع نشاط السوق السودا في التجارة بالعملات الاجنبية وخصوصا الدولار واللي كان بمثابة ازم  حقيقة بتهدد الاقتصاد المصري بدعم من عصابات وجماعات دولية هدفها انها تقوع الدولة المصرية وتهدد الاستقرار الأمني اللي عايشة فيه مصر علي مدار سنين في الجمهورية الجديدة.
بعد ما الدولة انتهت تماما من اكبر مشكلة كانت بتهدد اقتصادها وهو السوق السودا، وتوفير الدولار في البنك المركزي بسعره الرسمي للتجار والموردين وبدأ خطوات الافراج الفعلي عن السلع والبضائع والادوية اللي موجودة من شهر في الموانئ بسبب نقص الدولار مع ملاكها ، حاليا الدولة بدات تفكر ازاي تعوض المواطن اللي اتحمل فترات الأصلاح الاقتصادي الصعبة، ومرحلة بناء الدولة المصرية بشكل جديد، وفي توجيهات رئاسية لوزارة المالية بإعداد الموازنة الجديدة للدولة وتكون بتراعي مصلحة المواطن المصري في المقام الأول.
طيب اية هيا اهم تفاصيل الموازنة الجديدة للدولة 2024-2025؟.
الدكتور محمد معيط وزير المالية، قال إن الرئيس عبدالفتاح السيسى، أصدر توجيهات حاسمة للحكومة وقت إعداد الموازنة الجديدة للعام المالى ٢٠٢٤/ ٢٠٢٥، وقال عينكم على المواطن والتركيز على التنمية البشرية في الفترة اللي جاية، وأكد كمان أن الحكومة هتفضل داعمة لتحسين مستوى معيشة المواطنين.
وزير المالية قال كمان، أن الدولة حاليا بتعمل علي تحقيق التوازن بين إجراءات التعافي الاقتصادي والانضباط المالي وتعويض المواطنين عن الآثار التضخمية الصعبة بصورة تدريجية وده في اطار خطة الدولة انها تتحمل مع المواطن أعباء التحديات الاقتصادية والآثار السلبية واللي بدأت مع انتشار وباء كورونا والموجة التضخمية واخيرا الأوضاع السياسية في الشرق الأوسط والحرب في أوروبا .

معيط قال أن الموازنة الجديدة للدولة هتتركز علي الصحة والتعليم واللي هيكون لهم أولوية رئاسية لاستكمال استراتيجية بناء الإنسان المصرى، وده بالتوازي مع العمل على تأمين احتياطي استراتيجي من السلع لكفاية الاحتياجات الأساسية للمواطنين، وزيادة الإنفاق على الحماية الاجتماعية، لتخفيف الأعباء عن متوسطي ومحدودى الدخل.
وزير المالية قال أن الدولة خصصت ٥٩٦ مليار جنيه للدعم منها أكثر من ١٣٤ مليارًا للسلع التموينية وأكثر من ١٤٧ مليار جنيه لدعم المواد البترولية بسبب الارتفاع في أسعار البترول عالميًا بسبب تغيير سعر الصرف، ده غير إضافة أكثر من ٤٠ مليار جنيه لبرنامج الحماية الإجتماعية تكافل وكرامة، خصوصا ان دعم الدولة لرغيف العيش بيتعدي ١٢٥ مليار جنيه وبتوصل تكلفته علي الدولة لـ 125 قرشًا والمواطن بيدفع ٥ قروش والخزانة العامة للدولة بتتحمل الفرق.

وزير المالية قال كمان إن إجمالي مصروفات العامة للموازنة الجديدة هتوصل لـ٣,٩ تريليون جنيه، وجم الإيرادات المتوقعة هتوصل لـ ٢,٦ تريليون جنيه، والحكومة بتستهدف ٢ تريليون جنيه إيرادات ضريبية بدون إضافة أى أعباء جديدة على المواطنين أو المستثمرين، وده من خلال تعظيم جهود دمج الاقتصاد غير الرسمي، بالاستغلال الأمثل للأنظمة الضريبية المميكنة.