الثلاثاء 28 مايو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

نفسك في عربية بعد الأسعار مانزلت.. قرض هيحقق حلمك

السبت 02/مارس/2024 - 12:20 ص
قرض السيارة
قرض السيارة



نفسك تجيب عربية لكن الأسعار بقت في العالي وفي متناول المليونيرات بس .. متقلقش حلمك هيتحقق وهتشتري العربية اللي نفسك فيها بعد الانفراجة المنتظرة في اسعار العربيات بعد صفقة رأس الحكمة وتصريحات شعبة السيارات وعشان كده في بنوك كتيرة بتوفرلك قرض العربية وبأقساط مريحة وعلى قد الإيد مع أطول مدة سداد.. تعالو نشوف التفاصيل
 


من بين البنوك اللي بتوفرلك حلم شراء العربية بنك مصر واللي بيقدم أنواع كتيرة من القروض بسعر فائدة تنافسي بخلاف السرعة في الإجراءات والتسهيلات في السداد.

وبخصوص تفاصيل قرض العربية من بنك مصر.. شوف حضرتك بيتم منح قرض العربية للمصريين من خلال أكتر من برنامج تمويل منها برنامج قرض سيارة بموجب الدخل الافتراضي وللموظفين بتعهد جهة العمل بتحويل الراتب / القسط الشهري وكمان للموظفين بموجب إثبات الدخل.

أما صحاب المهن الحرة وأصحاب الأنشطة التجارية والصناعية فبيكون صرف قرض العربية بأثبات الدخل بجانب أصحاب الأوعية الادخارية أو اصحاب الشهادات (للمصريين والأجانب).

وهنقولك تفاصيل أكتر عن قرض العربية من بنك مصر واهمها إن سعر العائد تنافسي والحد الأدنى لعمر المقترض 21 عاما - والحد الأقصى للقرض 6 مليون جنيه ونسبة التمويل للعربية بتوصل إلى 100%. من تمنها

وبخصوص مدة تمويل القرض بتوصل إلى 120 شهر.

نيجي بقي للمستندات الأساسية المطلوبة وهي سهلة وبسيطة وعبارة عن:

- صورة بطاقة الرقم القومي سارية.

- أصل إيصال مرافق على مقر إقامة العميل (غاز-كهرباء – مياه – تليفون (

- عرض أسعار معتمد من المعرض

بالنسبة للموظفين:

- شهادة مفردات الراتب الشهري.

- تعهد جهة العمل بتحويل الراتب / القسط الشهري (في حالة تعهد جهة العمل).

بالنسبة لأصحاب المهن الحرة والأنشطة التجارية والصناعية الأوراق المطلوبة منهم هي:

- صورة البطاقة الضريبية.

- صورة ترخيص / تصريح مزاولة المهنة) للمهن الحرة).

- صورة مستخرج رسمي حديث من السجل التجاري.

- كشف حساب بنكي لمدة 6 أشهر.

مميزات اضافية:

- يمنح العميل وثيقة تأمين مجانية على الحياة طوال فترة عمر القرض.

- يمكن ترخيص العربية باسم طرف ثالث من أفراد العائلة.

- بدون تامين وحظر بيع على السيارة (بشروط محدده)

- تمويل السيارات المستعملة ( بشروط محددة ).