8 مليون سائح زيادة في حصة مصر من مشروع رأس الحكمة

الدولة المصرية كانت في العادي بتستهدف تحقيق 30 مليار دولار من السياحة لغاية 2030، لكن بعد توقيع عقود مشروع رأس الحكمة، الخطة حاليا اختلفت تماما، والنظرة لعائدات السياحة ارتفعت تماما.. يا تري الحكومة عايز تحقيق كام من السياحة بعد توقيع عقود المشروع ده... وازاي ده هيحصل.

شوف ياسيدي بعد مشكلة الحوثيين، الحكومة حطت ايدها علي السياحة وبدات تنشطها بالشكل المطلوب خصوصا ان القطاع ده قدر لوحه ان يعيد تشكيل اقتصاديات دول كتيرة متقدمة زي ايطاليا واليونان واللي كانوا في وقت من الاوقات شبه هيعلونوا افلاسهم، ولكن لما اشتغلوا علي قطاع السياحة بالشكل المطلوب حولوا الافلاس لنجاح ونجاح كبير وقدروا انهم يقوموا الاقتصاد بتاع بلادهم من تاني.
الحكومة خطت خطة للنهوض بقطاع السياحة وبتستهدف من الخطة دي الوصول لتحقيق 30 مليون سائح وتحقيق 30 مليار دولار بحلول عام 2028، وبدات فعلا تحقق اول خطوات النجاح بكسر الرقم القياسي المصري المسجل في عام 2010 والمعروف بعام الذروة السياحية بالوصول الي 14.6 مليون سائح، والسنة اللي فاتت كسرنا الرقم ده وحققنا 14.9 مليون سائح لاول مرة في التاريخ.
لكن بعد اعلان الحكومة توقيع عقود مشروع رأس الحكمة، الحكومة اعادت مرة تانية حسابات الحركة السياحية المستهدفة من الخارجة، خصوصا ان الدولة بستهدف تحقيق 8 مليون سائح جدد من مشروع رأس الحكمة من المشروعات السياحية والترفيهية والاستثمارية اللي هتنفذها الشركة الاماراتية واللي مخصصة في الاغلب لاستهداف نوعية معينة من السائحين من دول العالم.
ومتوقع تحقق السياحة 40 مليار دولار بعد انتهاء المشروع العالمي في راس الحكمة.