الأربعاء 17 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

السيسي رجل الأقدار الصعبة.. صامد في بركان نار

الجمعة 23/فبراير/2024 - 03:02 ص
الرئيس عبدالفتاح
الرئيس عبدالفتاح السيسي


قسما بالله العظيم اللي يقرب منها لاشيله من على وش الأرض.. طبعا مصر كلها والعالم فاكر الكلمة دي للرئيس السيسي لما قالها على الهواء مباشرة في. رسالة فوقت كل حلم واتوهم وافتكر إن مصر هتوقع ولا يقدر يأذيها وكله ساعتها فهم الرسالة والتعالب دخلت الجحور.. السيسي ازاي صامد وسط بركان نار في المنطقة.. وايه اللي بيفكر فيه الرئيس دلوقتي
 


مافيش رئيس تولي مسؤولية دولة في ظروف صعبة قد الرئيس السيسي وحتي من قبل ما يبقي رئيس وهو شايل هم البلد وبيحارب تعالب جوه وبره ولما المصريين طلبوه بالاسم اتصدر المسؤولية ومخافش وبقلب أسد قال أنا قد الأمانة وحكم والبلد اللي كانت بتوقع وقفت على رجليها من تاني وإنجازات في كل المجالات وآلاف المشروعات الضخمة اللي نقلت البلد لحتة تانية وكلنا شفنا بعنينا اللي كان بيحصل في البلد وفي كل شبر في الجمهورية والمشروع اللي بيخلص في 5 سنين كان بيتسلم في سنة لأن مكانش عندنا رفاهية الوقت والبلد لازم تعوض اللي فاتها سنين طويلة.

حكم مصر صعب جدا.. دي جملة قالها الرئيس الراحل حسني مبارك ومكنش عنده ربع التحديات والمشاكل اللي بيواجهها الرئيس السيسي حرب على كل الحدود ونار بتقرب وتآمر من جوه وبره وتحريض وأكاذيب وضلال وأزمات دولية بتعطل قطر التنمية اللي كان على آخر سرعته وفي كل الوقت كل السيسي ضهر المصريين القوي وصوت مصر القوي وهو اللي بيحكم المنطقة وبيحط خطوط حمرا لاهل الشر واللي بيصيدوا في المية العكرة.

أي حد في مصر عاوز يعرف حجم التحديات والخطر اللي بيتعامل معاها الرئيس يحط نفسه مكانه ويعتبر نفسه رئيس ويقول هيعمل ايه في أزمات الاقتصاد والسوق السودا للدولار اللي اتوحشت و100 مليون بني آدم عاوزين ياكلوا ويشربو ويسهروا في امان من غير خوف ويقول هيعمل ايه في كل الظروف اللي حوالينا وساعتها هيعرف إن اللي قاعد وبيدير في قصر الاتحادية دا راجل مش عادي وربنا اختاره لأنه رجل أقدار كل الظروف كانت بتقول عاوزة شخص مايعرفش الخوف ولا التردد وعنيد في الحق ومش بيفرط ولا بيهمه حد طالما بيعمل في مصلحة بلده ولا حد قدر يلوى دراعه في يوم من الايام.