الأربعاء 17 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

الدهب هيوصل لأرقام خرافية.. بنك استثماري يتوقع مفاجأة مذهلة

الأربعاء 21/فبراير/2024 - 12:40 ص
الذهب
الذهب

 

أكتر سؤال شاغل المصريين والعرب ويمكن العالم كله حاليا هو : الدهب رايح على فين ؟ هل اسعار المعدن النفيس هتستمر فى الارتفاع ولا هتثبت ولا ممكن تتراجع ؟ وايه العوامل المؤثرة أصلا فى سعر الدهب؟

الأسئلة دي وغيرها كتير مش بس شاغل الناس العادية لا كمان مراكز الأبحاث وبنوك الاستثمار هي كمان اللى مهتمة تعرف مصير الدهب الأيام الجاية وعشان كده بنك سيتى جروب اللى بيعتبر واحد من أهم بنوك الاستثمار فى العالم طلع من ساعات توقعات قال فيه ان  أسعار الدهب هترتفع إلى 3000 دولار للأونصة وقال كمان ان اسعار النفط هتسجل 100 دولار للبرميل خلال الـ 12 إلى 18 شهر الجايين.

واكد تقرير للبنك ان الدهب اللى  بيتم تداوله حالياً عند 2016 دولارا ممكن يرتفع بنسبة  50% على نهاية 2024 او منتصف 2025 لو زادت البنوك المركزية بشكل حاد مشترياتها من المعدن الأصفر أو حصل  ركود تضخمي محتمل أوحتى  في حالة حدوث ركود عالمي عميق

البنك الأمريكي أكد ان إن مشتريات البنوك المركزية من الدهب تسارعت إلى مستويات قياسية في السنوات الأخيرة فى وقت بتسعى فيه البنوك إلى تنويع الاحتياطيات وتقليل مخاطر الائتمان.

وبتتصدر البنوك المركزية في الصين وروسيا مشتريات الذدب وبتعمل الهند وتركيا والبرازيل على زيادة شراء السبائك فى الفترة الجاية.

وحافظت البنوك المركزية في العالم على مدار سنتين على أكتر من 1000 طن من صافي مشتريات الدهب وفقا لتقرير مجلس الذهب العالمي في يناير اللى فات.

ولازم نكون عارفين ان أسعار الدهب  في علاقة عكسية مع أسعار الفايدة ومع انخفاض أسعار الفايدة بيصبح الدهب أكثر جاذبية مقارنة بالأصول ذات الدخل الثابت زي السندات، واللي  بتدر عوائد أضعف في بيئة أسعار الفايثدة المنخفضة.

وبيتراوح سعر الفايدة القياسي لبنك الاحتياطي الفيدرالي بين 5.25% و5.5% من يوليو 2023، وهو أعلى مستوى من يناير 2001 لما ارتفع إلى 6% وبتتوقع الأسواق أن يخفض بنك الاحتياطي الفيدرالي أسعار الفايدة في مايو أو يونيو.

وعاليما بيُنظر للدهب على أنه ملاذ آمن وبيميل إلى الأداء الجيد في فترات عدم اليقين الاقتصادي لما بيبتعد المستثمرين عن الأصول الأكثر خطورة .\

طب ايه تاثير السيناريو ده على اسعار الدهب فى مصر الفترة الجاية؟

طبعا لو حصل السيناريو اللى بتتوقعوا سيتى جروب ده فاسعار الدهب فى مصر هتوصل لحتة صعبة جدا لأن السعرلا العالمى هيزيد حوالى 50% ونفس الزيادة أو اكتر ممكن تحصل فى مصر يعنى سعر الجرام اللى بيقترب حاليا من 4 الاف جنيه لعيار 21 ممكن يوصل الى 6000 جنيه على اقل تقدير