حدث منتظر في العاصمة الإدارية.. حكاية صندوق النقد العربي مع مصر

ياترى ايه اللي بيحصل في العاصمة الادراية وايه علاقة صندوق النقد العربي باللي بيصحل في مصر .. حاجات كتير هنعرفها مع بعض في الفيديو
 

عمر الأزمات ما تقلل من مكانة الدول وخاصة الدول التقيلة في منطقتها زي مصر كده رغم الأزمات الاقتصادية الصعبة اللي بتمر بيها البلد لكن هتفضل من اقوى الاقتصاديات في المنطقة وكمان الاقتصاد الوحيد للي في الشرق اللي متوقع إنه يكون الأكبر والاضخم في المنطقة والعالم  في السنين الجاية وجايز تقول ده كلام خيال وتوقعات ملهاش علاقة بالواقع لكن الحقيقة المؤسسات المالية الدولية مش بتعلب ولا بتقول أرقام وتوقعات وخلاص لكن كل تفصيلة ليها أصل وكل رقم بيتقال بيكون ناتج من دراسات ورسوم بيانية ومدخلات معلومات ودراسة لتفاصيل قطاعات الاقتصاد وكي تفصيلة بيكون معمول حسابه عشان كده لما مؤسسة عالمية ليها سمعتها تقول إن الاقتصاد المصري هيكون السابع في العالم في 2075 والأقوى في المنطقة سنة 2050 يبقي دا مش مبالغة وهيحصل.
وعشان كل اللي قلناه الحكومة والمسؤلين في مصر بيتكلموا ويتعاملوا مع الأزمات بثقة كبيرة جدا وعارفين إن مصر سوق كبير جدا في المنطقة والبلد مليانة فرص وخير في كل المجالات وفيها استثمارات ملهاش أخر وعشان كده في أي حدث عالمي مالي أو اقتصادي بيكون فيه حضور واهتمام بالوفود المصرية زي ما حصل كده في القمة العالمية للحكومات في دبي وشفنا إزاي الوفود المصرية كانت محل ترحيب ولقاءات واتفاقات .

من بين اللقاءات في دبي كان فيه اجتماع مهم جدا بين محمد معيط وزير المالية، مع فهد بن محمد التركى المدير العام ورئيس مجلس إدارة صندوق النقد العربى، وده صندوق ليه باع كبير في مصر وبيعتبر جهة تمويل مهمة للمشروعات وخطط الاستثمار في مصر والمباحثات اتركزت على تطوير التعاون الفترة الجاية والمشروعات الجديدة اللي الصندوق هعملها في مصر الفترة الجاية.
مش كده وبس ده كمان مصر هتستضيف قمة مهمة جدا في العاصة الادارية الجديدة وهي قمة وزراء المالية العرب بمصر في مايو اللي جاي وأكيد هتناقش التعاون المالي والاقتصادي بين الدول العربية بامكانياتها الضخمة، وكل اللي قلناه ده بيقول إن مصر دولة مش قليلة في الاقتصاد وانها هتعدي من كل أزماتها وده اللي بتقوله الأرقام والبيانات.