الأحد 25 فبراير 2024
رئيس التحرير
عمرو عامر
المشرف العام
عبدالعظيم حشيش
تحليل

إيه اللي هيحصل للسوق السودا الأيام الجاية؟.. مفاجأة هتقلب الموازين

الثلاثاء 13/فبراير/2024 - 01:00 ص
البنك المركزي المصري
البنك المركزي المصري

 

يا ترى ايه اللى هيحصل للسق السودا للدولار الفترة الجاية؟ وازاي الدولة هتتعامل مع المضاربين وتجار العملة؟ وامتى ممكن يحصل التعويم الرابع للجنيه ؟

 

تقدر تقول كده ان الدولة المصرية حاليا بكل أجهزتها شغالة على حل أزمة الدولار والقضاء على السوق السودا .. وده لأن أزمة الدولار هي السبب فى كل المشكلات اللى بتعانى منها مصر فى اخر سنتين .. وكلنا شايفين وحاسين بالارتفاع الكبير وغير المسبوق فى اسعار السلع

وبالتزمان مع الاجراءات الكتيرة اللى بتعملها الحكومة بالتنسيق مع البنك المركزي أعلن أكبر بنك استثماري في العالم، جي بي مورجان أن تعديل سعار الصرف في مصر هيكون حاسم في استكمال برنامج القرض مع صندوق النقد الدولي

المصرف الأمريكي صاحب السمعة الكبيرة توقع توصل مصر إلى اتفاق مع صندوق النقد بشأن تسهيل الصندوق الممدد في الأسابيع القليلة المقبلة.

وأكد تقرير حديث لجي بي مورجان  أنه مع احتمال موافقة مجلس إدارة صندوق النقد الدولي على إجراء المراجعة الأولى والتانية في مارس من المرجح أن تكون إجراءات التشديد النقدي الأخيرة اللي خدها البنك المركزي  والإعلان عن المزيد من التشديد المالي بمثابة إجراءات مسبقة

التقرير توقع استكمال برنامج صندوق النقد الدولي المتوقف خلال النص الأول من 2024 وتوقع كمان يحصل قبل الاتفاق مع الصندوق تخفيض لقيمة الجنيه وتشديد السياسة النقدية، وقال ان رفع الفايدة بمقدار 200 نقطة أساس في أول اجتماع للجنة السياسة النقدية  من ضمن المؤشرات المبكرة على توقعاته

وتزامن تقرير البنك الأمريكي لتحقيق بعثة صندوق النقد فى مصر تقدم كبير فى المفاوضات مع الحكومة المصرية بشأن المناقشات الخاصة بالحزمة التمويلة.

 

تقرير جي بي مورجان  أشار إلى أن لهجة صندوق النقد الدولي أصبحت أكثر مرونة وتوقعات التمويل أعلى حاليا لكن وفقا للتقرير الأهداف الرئيسية للبرنامج لسه زي ما هي دون تغيير حتى بعد ما هيتم زيادة حجم التمويل من 3 الى ما يقرب من 10 مليار دولار أو اكتر شوية وفقا للتسريبات المنتشرة وده هيكون مصحوب كمان بدعم متزايد من شركاء آخرين متعددي الأطراف.

سلط البيان الأخير الصادر عن صندوق النقد الدولي الضوء على فجوة التمويل المتزايدة بسبب الصدمات الأخيرة ومن الأمثلة الواضحة خسارة إيرادات قناة السويس، واللي بتشير تقديرات جي بي مورجان إلى أنها أدت إلى خسارة قدرها حوالى  800 مليون دولار أمريكي في يناير وفبراير

طب الكلام ده كله معناه ايه؟

الكلام ده معناه ان الدولار فى السوق السودا هيواصل النزيف وهيرتاجع بقوة الايام الجاية لأن مفيش تحرير هيحصل لسعر الصرف والفجوة الكبيرة بين السعرين الرسمي والسوق الموازية موجودة.