الثلاثاء 17 نوفمبر 2026
رئيس التحرير
عمرو عامر
رئيس التحرير
عمرو عامر
سيارات

لو اتحرمت من التموين بسبب عربية بعتها.. اعرف ازاي ترجع بطاقتك بخطوات بسيطة

الثلاثاء 17/نوفمبر/2026 - 02:30 ص
بطاقات التموين
بطاقات التموين

ناس كتير اتفاجئت بوقف بطاقة التموين بتاعتها بسبب ظهور عربية متسجلة باسمهم على السيستم الحكومي رغم إنهم باعوها من سنين ومبقتش ملكهم وفي التقرير ده هقولك تعمل ايه علشان ترجع تموينك.

لمشاهدة الفيديو من هنا 

ومبدأيا كدا لازم تثبت للجهات المختصة بالأوراق الرسمية إن العربية دي خرجت من ذمتك تماما.

وأهم مستندين يخلصوا لك الموضوع ده هما شهادة بيانات حديثة من إدارة المرور توضح تاريخ نقل الملكية أو عقد البيع المسجل في الشهر العقاري.

أما لو العربية كانت اتكهنت أو اتسرقت فهتقدم شهادة تخريد تثبت شطبها من السجلات أو محضر سرقة رسمي وده طبعاً مع صورة بطاقة الرقم القومي وصورة بطاقة التموين.

بعد ما ورقك يجهز ادخل على منصة مصر الرقمية حدث بياناتك وراجعها وبعدها اطلع على مكتب التموين التابع ليك قدم طلب التظلم وارفق معاه كل المستندات.

ومتنساش تستلم رقم التظلم أو الشكوى وتاريخ تسجيله علشان تتابع بيه لحد ما يتم مراجعة ورقك وإعادة تفعيل بطاقتك وصرف التموين من جديد.