الخميس 29 فبراير 2024
رئيس التحرير
عمرو عامر
المشرف العام
عبدالعظيم حشيش
شمول مالي

مستقبل أسعار الدهب بعد قرارات الرئيس وترنح الدولار

الجمعة 09/فبراير/2024 - 04:01 ص
الذهب
الذهب

 

سوق الدهب سوق حساس جدا لأي تغيرات أو قرارات اقتصادية وبقي حساس أكتر لسعر الدولار في السوق الموازية أو السودا واشاعات التعويم وعشان كده هيفضل سوق مضطرب ملهوش كبير لغاية الأمور كلها ما توضح.
بورصة الدهب خدتها من قصيرها وقررت وقف تسعير الدهب لغاية ما تشوف السوق رايح على فين.. طيب المواطن يعمل ايه اللي عاوز يشتري أو يبيع دلوقتي... نصيحتنا لأي حد عاوز يبيع دهب أو يشتري إنه بردوا يستني شوية وشفنا الأسعار إزاي قفزت لأكتر من 4 الاف جنيه في جرام الشعبي 21 وازاي نزلت ل3500 جنيه من امبارح، لكن لوحد معاه قرشين كويسين ومصر يشتري  دهب أيا كان سعره مفيش مشكلة لأنه الدهب مش بيخسر على المدى البعيد.
لكن لو هتشتري اصبر شوية لغاية ما تشوف ايه اللي هيحصل في السوق والصاغة لكن التوقعات بتقول إن الدهب هينزل لأنه مرتبط بدولار الموازية واللي بدأ ينزل ومتوقع ينزل أكتر بسبب المستجدات الاقتصادية في الاستثمار وقرض صندوق النقد الدولي.