الخميس 22 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

اللي بيحصل في السوق السودا هيستمر ولا الدولار هيزيد تاني؟ هنجاوب على أكتر سؤال شاغل المصريين

الثلاثاء 06/فبراير/2024 - 01:03 ص
الدولار
الدولار

 

يا ترى اللى بيحصل فى السوق السودا هيستمر والدولار هيواصل النزيف ولا ممكن سعره يرجع يزيد تاني؟ وهل الجنيه كده خلاص استرد عافيته امام العملات الأجنبية ولا الوضع اللى احنا فيه ده مؤقت؟ وايه اللى حصل خلا السوق السودا تنهار بالشكل والسرعة اللى حصلت فى آخر كام ساعة ؟ وايه علاقة كل ده بالتخفيض المحتمل لقيمة الجنيه فى البنوك؟

فى الساعات الأخيرة هبط سعر الدولار في السوق السوداء بقوة من بعد قرار المركزي المصري برفع الفائدة 2% بالاضافة الى انتشار أخبار ايجابية كتير عن مجموعة من الصفقات الكبرى الللى هتر سيولة دولارية كبيرة للحكومة

ووفقا لحركة الأسعار وصل سعر الدولار إلى مستويات الـ 55 جنيه والعمليات اللى بتتم على العملة محدودة جدا نتيجة الارتباك والتخبط اللى بتعاني منه السوق.

وأكد عد من الخبراء والمحللين ان تراجع سعر الدولار في السوق الموازية  بقرابة الـ 20% سببه الصفقة الكبرى اللى اشارت ليها العديد من التقارير الصحفية الى سعي مستثمرين اماراتيين لضخ ما يقرب من 22 مليار دولار للاستثمار فى منتجعات في مدينة رأس الحكمة

وبنسبة كبيرة المشروعات اللى هينفذها رجال الاعمال الاماراتيين هتكون بنظام حق الانتفاع يعني هتديرها لمدة زمنية معينة وبعدين هتعود الى الدولة المصرية وفى نفس الوقت الدولة هتستفيد بتوفير سيولة دولارية ضخمة هتساهم فى حل أزمة نقص العملة اللى بتعانى منها مصر من مارس 2022 ولحد دلوقتي وده هيخفف نشاط السوق الموازي وهيساهم في خفض سعر الدولار وتسديد الديون قصيرة الآجل المستحقة على الحكومة المصرية خلال 2024.

وتزامنت أخبار صفقة رأس الحكمة مع مد بعثة صندوق النقد الدولي زياراتها واجتماعتها فى مصر مع وجود اقتراحات بزيادة حجم قرض صندوق النقد الدولي لمصر من 3 مليار دولار في شكله الأول إلى أكتر من 6 مليار دولار لحل أزمة نقص العملة الصعبة في مصر والمساهمة في سداد مصر للاستحقاقات الدولية من ديون وفوائد وتلبية حاجة السوق المصري بشكل يقلل الفجوة بين السعر الرسمي للدولار الثابت عند 31 جنيه للدولار من مارس اللى فات ومستويات الـ 60 جنيه للدولار الحالية.

طب هل الهبوط الحاصل دلوقتي فى سعر دولار السوق السودا هيستمر ولا الدولار هيرجع يزيد تاني؟

بص فيه معركة كبيرة وضخمة جدا بيخوضها البنك المركزي مع تجار العملة ومع المضاربين على الدولار والمعركة دي عبارة عن جولات وفى الجولة الحالية البنك المركزي وجه ضربة قاتلة لتجار العملة يقضى على جزء كبير من الفوضى اللى كانت موجودة فى سوق الصرف لأن السعر اللى وصل ليه الدولار عند حدود 73 جنيه مكنش سعر طبيعى خالص وكان فيه مضاربة واضحة

وعشان كده متوقع بشكل كبير ان دولار السوق السودا يواصل النزيف لغاية ما يوصل للسعر العادل اللى هو ما بين 40 و45 جنيه

طب وايه علاقة اللى بيحصل بالتعويم المنتظر؟

فيه وجهة نظر قوية بتقول ان اللى بيحصل فى السوق السودا حاليا تمهيد لتعويم الجنيه لأن مكنش ينفع تحريك سعر الصرف والدولار فوق ال 70 جنيه لأن وقتها حتى لو وضل سعره فى البنك ل 45 جنيه كانت الفجوة بين السعرين الرسمي والموازي هتكونكبيرة جدا برضوا