الأربعاء 28 فبراير 2024
رئيس التحرير
عمرو عامر
المشرف العام
عبدالعظيم حشيش
أخبار

بركة الجنيه هلت.. الأسعار بدأت تنزل أخيرا

الإثنين 05/فبراير/2024 - 11:32 م
الدولار والجنيه
الدولار والجنيه

وبعد شهور طويلة من الغلاء الفاحش والزيادات القياسية في الأسعار.. السوق هيرتاح والأسعار هتبدأ تنزل .. وده اللي بيحصل دلوقتي وزي ما كنا بنتكلم عن ارتفاع الاسعار والدولار والأخبار المحبطة جي الوقت اللي نتكلم عن الاخبار الحلوة.

وأخبارنا الحلوة بدأت من امبارح والهبوط الكبير في سعر الدولار في السوق السودا واللي بيتحدد بيه وبتتسعر كل السلع في السوق.. وامبارح لغاية النهاردة الدولار الموازي نزل 18 جنيه مرة واحدة ووصل سعره 55 جنيه بعد ما شطح لـ73 في أخر يناير اللي فات.

انخفاض الدولار ده معناه كبير أووووي في كل الاسواق لأنه لما ينزل الأسعار في الأول هتوقف زيادات وبعدها هتبدأ تنزل والبداية كانت من شوية بعد إعلان شركة حديد العز تخفيض سعر الطن باكتر من 5 الاف جنيه في ساعة واحدة وده معناه انخفاض أسعار حاجات كتير زي الأسمنت والطوب والدهانات والادوات الكهربائية وفي النهاية هينعكس على سعر الوحدات والشقق والمحلات..

الحديد كانت البداية ولسه بقى الشركات والمنتجات واللي أسعارها هتنزل بشكل كبير الفترة الجاية طول ما الدولار بينزل.