الخميس 29 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

مشروع القرن.. إيه اللي بيحصل في الهرم التالت؟

الأحد 28/يناير/2024 - 02:21 ص
الاهرامات
الاهرامات

 

يا ترى ايه اللي بيحصل في اهرامات الجيزة ؟ وايه حكاية تغليف الهرم التالت بالجرانيت؟ وليه هيتم الاستعانة باليابانيين في مشروع من أهم المشروعات في المتطقة؟
 

 
من ساعات وتحت مسمى "مشروع القرن" أعلن الأمين العام للمجلس الأعلى للآثار الدكتور مصطفى وزيري، عن إطلاق مشروع جديد لإعادة تغليف الهرم الثالث "هرم منقرع"، بالجرانيت.

واتكلم وزيري عن التغيير اللي حصل في شكل الهرم الخارجي وقال ما نعرفش تاريخ وقوع حجارة الجرانيت اللي كانت بتغلف هرم منقرع ولكن آن الأوان لإعادتها زي ما كانت عند المصري القديم عبر مشروع القرن بالتعاون مع البعثة اليابانية بالقاهرة".
خطوات تنفيذ المشروع اللي أطلق عليه مشروع القرن، هتبدأ بالحفر حوالين الهرم، وبعدها هيبدأ العمل الفني اللي بيتضمن مسوحات بالليزر لمطابقة الأحجار الجرانيتية المتساقطة مع كل حجر في الهرم هيتم تغليفه.

وهيستغرق مشروع القرن في الأهرامات سنة على الاقل وهيكون مع المتحف المصري الكبير، هدية مصر للعالم.

ويشبه المشروع اللي هيتم  "لعبة البازل"، وهيتعين مطابقة كل حجر من أحجار الهرم مع البلوكات الجرانيتية المتساقطة، وده  هيخلي المشروع أكبر لعبة بازل في التاريخ، وهو مشروع ضخم وفني معقد وليس بالعمل السهل.
وبيتميز هرم منقرق
بأنه الوحيد اللي تم تغليفه بالجرانيت "جزئيا"، حيث كان المصري القديم يضع أثناء البناء طبقة من الجرانيت مع كل طبقة من الحجر الجيري، وده معناه أن تكلفة البناء ربما تفوق الأهرامات التانية لأن الجرانيت كان بيتم جلبه من أماكن بعيدة.

وطبعا الاستعانة بالبعثة اليابانية في المشروع ده معم جدا لامتلاكها أدوات فنية متقدمة، و المشروع يحتاج إلى جانب الخبرة في علم المصريات جوانب فنية في المسح والتصوير بيجيدها اليابانيين وهما متخصصين فيها.