الأربعاء 28 فبراير 2024
رئيس التحرير
عمرو عامر
المشرف العام
عبدالعظيم حشيش
تحليل

لسه بدري.. معاد استقرار الدهب في السوق المصري

السبت 27/يناير/2024 - 10:02 م
الذهب
الذهب


 
اللي بيحصل في سوق الدهب في مصر محصلش قبل كده وعمره ما ارتفع بالشكل ده  ومحدش كان يتخيل أن عيار 21 يوصل ل4 آلاف جنيه وعيار 24 داخل على 5 آلاف جنيه والمشكلة إنه لسه بيزيد ودخل على الصاغة عمليات غش واسعة ومضاربة وخرج السوق عن السيطرة.. وناس كتير وخاصة الشباب اللي عاوز يتجوز بتسأل امتي الدهب سعره هيستقر..
خبراء الاقتصاد والدهب شايفين إن السوق مش هيستقر قلبل 3 شهور من دلوقتي وإن حالة الفوضى دي هتستمر بسب استمرار الأزمة في الدولار والطلب على الدهب والخوف من التعويم.
خبراء الدهب شايفين كمان إن الأسعار الحالية مبالغ فيه بشكل كبير ومش هي الاسعار الحقيقية والمنطقية للدهب وإن التجار رفعوا الاسعار عشان حالة الطلب الكبير على الشراء كملاذ آمن للمدخرات والسيولة.
البرلمان دخل على خط الأزمة وطلع مقترح بمد فترة دخول الدهب من الخارج وتوسيع الإعفاءات عشان دا حل من الحلول اللي هتوفر الاستقرار في سوق الدهب خاصة إن المصريين دخلوا حوالي 4 طن دهب من ساعة إطلاق المبادرة لغاية دلوقتى وطالبت البرلمانية اللي قدمت الاقتراح مد المبادرة لمدة سنة كمان عشان الناس والتجار يطمنوا إن فيه ضخ في السوق.