ثامب.. حكاية بحور الدهب في مصر

مصر أصل الدهب.. شعبها دهب وملوكها دهب وتاريخها دهب والمتاحف تشهد.. أول ناس في التاريخ عرفت الدهب واستخرجته وعالجته وشكلته تخف وتماثيل.. دلوقتي مصر بتعيد تاريخها الذهبي بخطة غير مسبوقة للتنقيب عن المعدن الأصفر ..

الخطة بتعتمد على التنقيب عن الدهب في مئات الآلاف من الكيلومترات في صحراء مصر شرقها وغربها ولسه امبارح شركة نجيب ساويرس خدت امتياز جديد وصخم للتنقيب عن الدهب بمساحه 350 كيلو متر.
ومن ساعتها وقع المهندس طارق الملا وزير البترول والثروة المعدنية عقد استغلال خام الدهب والمعادن المصاحبة فى منطقة ابومروات بالصحراء الشرقية بين هيئة الثروة المعدنية وشركة أتون مايننج الكندية وده بعد تحقيقها كشف تجاري مهم للدهب بمنطقتى حمامة غرب ورودرين بامتياز ابومروات  فى مساحة حوالى 58 كيلو متر مربع. 
شارك فى التوقيع كل من الجيولوجى ياسر رمضان رئيس هيئة الثروة المعدنية وتونو فاك المدير التنفيذى لشركة أتون مايننج.
أهمية التنقيب عن الدهب إنه بيجذب استثمارات الشركات العالمية للبحث عن المعادن الثمينة ،ودي بتكون استثمارات بالمليارات ولازم مصر تنفذ الاتفاقيات دي بسرعة لتحقيق المقصود لأن الدهب يعني دولار واحتياطي حديد يضاف للاقتصاد المصري ومصر فيها مناطق واعدة في الدهب وعندها منجم السكري واللي بيعتبر من أكبر مناجم الدهب في العالم.
وقريب جدا الدهب في مصر هيكون زي النفط والغاز في الخليج العربي وهيكون مصدر رخاء وقوة.