خطة الدولة لتوفير 20 مليار دولار فاتورة الاستيراد
الحكومة حالياً مفيش في دماغها غير حلةا نة الدولار وتوفيره واتاحته في البنوك والقضاء على السوق السوداء في تغيير العملات في مصر وشغالين حاليا علي كذا طريق بهدف استيراد السلع الأساسية للمواطن المصري بعملات غير الدولار.. يا تري أية الحكومة بتعمله في في النقطة دي.. وأية الدول اللي هنتعامل معاها من غير الدولار .
حاليا مفيش أزمة في مصر زي أزمة الدولار، كل حاجة ارتبطت في مصر سعرها بالدولار تطلع معاه ومتنزلش ثاني، ولقت الحل في خطة عبقرية هتريحنا تماما من أزمة الدولار للابد... الحل هو أننا نشتغل مع بعض الدول بنظام المقايضة وهو نظام أن الدول يحصل بينهما تبادل تجاري عن طريق الحصول علي سلعة مقابل تقديم المول الثانية سلعة بدلا لها ا التعامل بالعملة المحلية بين البلدين، وبدأ يحصل فيه تنسيق مع دول روسيا وتركيا والهند وكينيا أن يكون في تبادل تجاري عن طريق نظام المقايضة بهدف تخفيف الضغط على العملة الأجنبية وحل أزمة الدولار.
الفاتورة الاستيرادية لمصر بالعملة الأجنبية مرتفعة جدا، وده خلي المسئولين في الحكومة يفكروا في كذا طريقة للخروج من عنق الزجاجة وكان الحل منا نبدا ننسق مع دول صديقة لينا أننا نشتغل بنظام المقايضة وهو نظام طبقته دول كثير قبلنا زي الصين ودول أمريكا الجنوبية وروسيا وإيران وأصبح معروف في دول كثيرة في العالم .
الحكومة بدأت أول خطوات العمل بنظام المقايضة وتم مخاطبة دولة كينيا اللي بنشتري منهم الشاي مقابل سلعة ثانية هما هيطلوبها ، وبدأ كمان يحصل تنسيق مع دولة روسيا للعمل بنظام المقايضة لتوفير 6 مليار دولار فاتورة تجارية بين البلدين، وهما بيستوردوا منا الفواكه والخضراوات والنباتات والبذور والصابون والألبان والآلات والأجهزة والمعدات الكهربائية والزيوت العطرية، واحنا بنتستورد منها الحبوب والخشب والحديد والصلب والوقود المعدني والزيوت المعدنية والكتب والصحف والنحاس والمنتجات الكيماوية.
وكمان الحكومة بدأت تنسق مع دولة الهند للعمل بنظام المقايضة في التبادل التجاري خصوصاً أن الهند محتاجة منا الوقود والزيوت المعدنية والأسمدة والمنتجات الكيماوية والقطن والفواكه، واحنا بنتستورد منهم اللحوم والحديد والصلب والوقود والزيوت والمنتجات الكيماوية العضوية، والآلات والأجهزة الكهربائية ويوفر 6 مليار دولار.
الخطة نفسها بدأت الحكومة تشتغل عليها مع تركيا خصوصاً أن هما عايزين منا الوقود والزيوت المعدنية واللدائن والأقمشة والخيوط والمنتجات الكيماوية والأسمدة والآلات والأجهزة الكهربائية، واحنا بنتستورد منها الملابس والحديد والصلب والأجهزة الكهربائية والزيوت والمنتجات الكيماوية والسيارات والجرارات وهنوفر 8 مليار دولار فاتورة استيرادية من تركيا .
