مؤامرة اشعال الأسواق.. مين المسئول عن ارتفاعات الأسعار؟

لو حضراتكم فاكرين كنا من أول الناس اللى قولنا ان دول فغربية وأجهزة مخابرات عالمية مش هتسيب مصر فى حالها ومش ناسية للرئيس السيسي انه أفسد مخططهم فى الشرق الأوسط وكمان رفض كل الضغوط والاغراءات اللى اتمارست على مصر لقبول سيناريو تهجير الفلسطينين الى سيناء اللى بتحاول تنفذه اسرائيل بدعم ومباركة من الولايات المتحدة الأمريكية.. ولأن الدول دي عارفة قوة ومتانة العلاقة اللى بتربط المصريين بالرئيس السيسي وازاى الرئيس لبى نداء الجماهير فى 2013 وأطاح بالاخوان فحاليا بيلعبوا على افساد العلاقة بين السيسي والشعب.. فيا ترى ايه تفاصيل المخطط اللى بيتعمل لاشعال الأسواق ومين المسئول عن ارتفاع أسعار السلع والخدمات بالشكل الجنوني اللى بيحصل؟ وهل الدنيا هتفضل ماتشية كده ولا الأمور ممكن تتحسن بعد شوية؟

فى أول يومين من السنة الجديدة 2024 المصريين فوجئوا بارتفاع اسعار كتير من السلع والخدمات بنسب تتراوح بين 20 و30% وبدأ الموضوع بزيادة أسعار تذاكر مترو الأنفاق فى اول ساعات من العام الجديد ومن بعدها تم رفع أسعار كروت شحن شركات الاتصالات وباقات الانرنت الأرضي ومفاتش ساعات وتم الاعلان عن تطبيق الاسعار الجديدة لشرائح الكهربا واللي سجلت زيادات وصلت لأكتر من 20% ومع الارتفاعات دي فى اسعار الخدمات الحكومية تم رفع اسعار الزيوت والسمنة والجبن والألبان وقبلهم الرز والسكر واللحوم يعنى تقدر تقول كده مفيش حاجة فى مصر سعرها ما رفعش فى آخر كام يوم

كل ده وسط توقعات كمان برفع أسعار البنزين والسولار فى الاجتماع الجاى للجنة تسعير المواد البترولية واللى بتجتمع كل 3 شهور لتحديد اسعار المحروقات

طب ايه السبب فى اللى بيحصل فى الاسواق واشتعال اسعار السلع ؟

الموضوع مش جديد وليه جذور قديمة وتقدر تقول كده ان فيه مؤامرة كبيرة جدا بتتعرض ليها مصر لاسقاطها ونشر الفوضى على اراضيها والمؤامرة دي بيسارك فيها اجهزة مخابرات دولية وجماعات محظورة زي جماعة الاخوان ومعاها تجار معندهمش ضمير وكل اللى يهمهم يعملوا ثروات حتى لو ده كان على حساب الوطن

حد هيسأل ويقول يا عم هو كل حاجة هنشيلها للاخوان ؟

وقبل ما تتعصب تعالى نقولك ايه دور الاخوان فى الأزمة .. معروف ان الجماعة من زمان متغلغلة فى الاقتصاد وليها حجم تجارة كبيرجدا ةمن خلال الأذرع الاقتصادية بتاعتها بتلعب بشكل أساسي فى ازمة الدولار ونقص العملة الأجنبية وبتشارك فى اغتيال الجنيه المصري من خلال المضاربة على الدولار وبتستخدم أذرعها الاعلامية للترويج ان الدنيا بايظة والاقتصاد بينهار وده بيخلى فيه تكالب على حيازة الدولار والطلب بيزيد على العملة المريكية فسعرها بيزيد ومعاها بتزيد اسعار كل حاجة

يعنى الاخوان هما سبب كل المشاكل دي ؟

لا طبعا هما جزءكبيرمن المشكلة لكن فيها جهات وناس تانية مشاركين فى اشتعال الأزمة وقايمة الناس ديبتضم تجار معندهمش ضمير ولا انتماء للبلد ومضاربين على العملة  وتجار دهب بيستغلوا الأزمة أسوأ استغلال وبيرفعوا الأسعار من غير سبب واضح وناس تانية بتخزن السلع وبتحتكرها وتعطش السوق عشان تحقق أرباح ضخمة بالاضافة طبعا لحاجة مهمة جدا وهي تقاعس الحكومة والأجهزة الرقابية فى متابعة الأسواق وضبط المخالفين

طب هل الدنيا هتفضل ماتشية كده ولا الأمور ممكن تتحسن بعد شوية؟

للاأسف طول ما أزمة الدولار مستمرة هتفضل أزمة ارتفاع الأسعار والخدمات هي كمان مستمرة .. وعشان كده البنك المركزي بالتنسيق مع الحكومة شغال على خطة للقضاء على السوق السودا للدولار من خلال توفير سيولة دولارية كبيرة واتاحة الدولار فى البنوك لأى حد يطلبوا وده الحل الوحيد لكل الأزمات اللى بتعانى منها مصر ومن غير كده هنفضل نلف فى دايرة مغلقة الله اعلم ممكن نطلع منها امتى