جرام الذهب عيار 21 وصل 2900 جنيه.. اية سبب ارتفاع الذهب؟
لية الذهب في مصر بعد ما نزل خالص ووصل الجرام ل ١٨٠٠ صعد تاني بسرعة الصاروخ ووصل الجرام ل ٢٩٠٠
.. طب ما تيجي نعرف السبب
مبدئيا كدا سعر جرام ٢١ اللي وصل ل ٢٩٠٠ جنيه.. ممكن دلوقتي وقت إذاعة الفيديو هبط أو ارتفع تاني.. لكن الأيام اللي فاتت الحقيقة شهدت ارتفاع متتالي في أسعار الذهب لحد لما وصل إلى المستوى اللي قولنا عليه.
طيب اية السبب في ارتفاع الذهب؟؟
قولنا قبل المرة ألف أن الذهب من السلع اللي بيلجأ إليها الناس وقت الاضطرابات الاقتصادية علشان هو بيحفظ قيمة الفلوس من التضخم... ودا بيخلي العرض قليل والإقبال كبير فابالتالي السعر بيزيد.
الفكرة بقى هو مش أن الناس العاديين بس اللي مقبلة على الشراء .. لاااا دا الدول هي السبب الأكبر واللي اشترت دهب بكمية مهولة.
زي الصين وتركيا والهند وروسيا.. ودا بالتالي خفض المعروض من الذهب ورفع سعره بشكل كبير جدا في السوق.
يعني تركيا في الوقت الحالي تعتبر أكبر مشتري للذهب خلال الربع السابق.. واللي اشترت ذهب بمقدار يتجاوز ال ٣٠٠ مليار دولار.. ثم الهند بكمية سجلت 17.46 طن، والصين اللي يبلغ إجمالي الاحتياطي الآن ل 2,068 طن.
طبعاً دا كله ساهم في خفض كمية المعروض من الذهب في السوق ورفع من قيمة سعره.. ليبلغ مستويات قياسية.
ضيف على كدا أن تحرك سعر الذهب في مصر مرهون بسعر الذهب بالبورصة العالمية، وسعر الدولار مقابل الجنيه في الأسواق.
كمان مسألة تثبيت الفائدة على الدولار الأميركى وإشارات خفض الفائدة فى 2024 ساهم في أن احتمالية طرح شهادات استثمار مرتفعة العائد مش هيكون كبير وعلشان كدا الإقبال على الذهب هايكون أكبر
