السبت 24 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

البلية هاتلعب معاك وتبقى غنى لو عملت استثمار من الـ ٣ دول

الأحد 03/ديسمبر/2023 - 03:30 ص
الاستثمار الناجح
الاستثمار الناجح

 

 

في وقت الاضطرابات الاقتصادية وتأثر أهم العملات العالمية بيكتر الكلام عن الاستثمار.. والحيرة بين أفضل أنواع الاستثمار.. بس لو أنت لو عايز فلوسك محمية من أي تأثر.. تفضل في الأمان يعني يبقى لازم تعرف اية الاستثمار الأفضل بالنسبالك ودا اللي هاتعرفه في الفيديو دا


 

قيمة الفلوس دلوقتي مع الوقت بتكون في خبر كان... في ساعة زمن المليون اللي معاك يبقوا ٦٠٠ ألف ودا لأنه بيحصل تدهور سريع في مسألة سعر الصرف.

وعلشان كدا إحنا النهاردة هانقولك على الخلاصة الخاصة بالاستثمار الأفضل ليك علشان تستفيد وفلوسك قيمتها ماتقلش.


خلينا نقولك أن أفضل أنواع الاستثمار دلوقتي بيتركز في ٣ أنواع.. الأول ذهب طبعا والتاني شهادات.. والتالت عقارات.

وكل واحد من دول لازم تحسبله كويس اوي وتحدد نوع الاستثمار حسب دخلك ومصروفاتك.

طيب يا ترى تشترى شهادات ولا ذهب ولا شقة

بص يا فندم.. لو حضرتك عايز دخل شهرى ثابت يبقى شهادة الادخار البنكية - واللي أفضلهم من حيث العائد الشهري هي شهادات البنك الأهلي وبنك مصر  اللي بيقدم  عائد لمدة 3 سنوات بسعر 19% سنوى ويصرف العائد شهريًا.. وفي بنك التنمية الصناعية بيقدم عائد بيصل ل ٣٩٪ ودا بتاخده مرة واحدة بنظام التراكمي.

يعني لو عملت الشهادة بتاعة بنك التنمية ب ١٠٠ ألف هاتاخد العائد بتاعك تاني يوم بنسبة ٣٩٪ من أصل الشهادة

إنما في الشهادة اللي بعائد ١٩٪ واشتريت شهادة ب ١٠٠ ألف جنيه يبقى إجمالى العائد فى 3 سنوات 57 ألف جنيه.

وكمان في شهادة تانية  بس متناقصة ودي لمدة 3 سنوات بسعر سنوى 22% لأول سنة و 18% السنة الثانية و 16 % السنة الثالثة وتقدر تصرف العائد شهريًا.

يعني لو هتشترى شهادة 19% المكسب 57 ألف جنيه ولو شهادة 22% يبقى 56 ألف جنيه فى 3 سنوات .

إنما لو بتفضل الدولار يبقى عندك شهادات الاستثمار الدولارية داخل البنوك المصرية وبمتوسط فائدة 7% سنويًا يعنى على كل 10000 دولار استثمار هتاخد 700 دولار فى السنة لمدة 3 سنوات.

نيجي للاستثمار في الذهب .. ودا لازم تخليه معاك  لفترة أطول من سنة ويفضل تشتري إما سبيكة أو الجنيه الذهب..  وبالنسبة للجنيه فدا سهل تبيعه وسعره دلوقتى 22 ألف جنيه، وممكن تشترى السبائك خفيفة الوزن 5 و10 و20 جرام.

العقار بقى لازم لو نويت تستثمر فيه هو أنه يكون معاك لفترة تطول عن  3 سنين .. ولازم يكون الفترة دي كلها معاك لأن متوسط نسبة الزيادة السنوية فى العقارات لا تقل عن 15%، بس خلى بالك من صعوبة بيع بعض العقارات علشان توفر السيولة.

قدامك الاختيارات كلها .. فكر بقى وشوف مقدرتك المالية تنفع مع مين فيهم واتوكل على الله.