يا ترى القرض اللى أنا خدته من البنك ممكن يسقط وماكملش دفع باقي الأقساط؟
السبت 18/نوفمبر/2023 - 03:01 ص
بص يا صديقي.. القرض بيسقط من على أى شخص فى حالة الوفاة لا قدر الله.
واحد هايسأل ويقول.. وهل فى الحالة دي بتسقط الأقساط من على أسرة المتوفي اللي كان اقترض من البنك؟
هو فى الحقيقة.. القرض مابيسقطش على أسرة المتوفي إلا إذا كان من شهداء الوطن من الجيش والشرطة، ودا طبعًا تقديرًا ليهم نتيجة لكل اللي قدموه من خدمات وطنية عظمية.. وبالتالي مابيكونش فى الحالة دي أى أقساط بتقع على أسرة المتوفي.
طيب وهل فى حالات تانية بيسقط فيها القرض؟
ايووووه.. القرض كمان بيسقط من على المقترض في حالة العجز.. يعني البنوك بتلجأ لأنها تعفي المقترض من دفع قيمة القرض لكن بشروط.
وأول الشروط دي.. أن المقترض اللى بعد الشر يعني تعرض لعجز.. ولازم وقتها يقدم مستندات رسمية للبنك واللى بتفيد بوقوع حادثة الوفاة أو العجز خلال مدة أقصاها 30 يوم من تاريخ الحادثة.
