بطاقة الرقم القومي في ساعة أو 24 ساعة.. اعرف الأسعار وأماكن الاستخراج
الإثنين 21/سبتمبر/2026 - 05:00 ص
لو محتاج بطاقة الرقم القومي بسرعة، فالأحوال المدنية وفرتلك أكتر من اختيار حسب السرعة والسعر.
أسرع خدمة هي الفئة الفورية بـ800 جنيه، والاستلام بيكون فورًا من السيارة النموذجية، أما VIP إكسبريس فسعرها 515 جنيه والاستلام خلال ساعة.
وفيه الفئة الخاصة بـ175 جنيه والاستلام خلال 24 ساعة، والعاجلة بـ125 جنيه خلال 3 أيام، بينما الاستمارة العادية بـ50 جنيه والاستلام خلال 15 يوم.
ولو البطاقة ضاعت، لازم تعمل محضر فقد في قسم الشرطة، وبعدها تقدم على بدل فاقد في السجل المدني بالمستندات المطلوبة.
وكمان تقدر تطلع البطاقة من مراكز الأحوال المدنية في المولات، زي سيتي ستارز ومكسيم مول ومول مصر ومول العرب.
ولو مش عايز تروح بنفسك، تقدر تبدأ الإجراءات أونلاين من بوابة وزارة الداخلية، وتدفع إلكترونيًا وتطلب توصيل البطاقة لحد البيت.
